@mg_12_3: ပိုက်ဆံက အရေးမကြီးဘူးလို့ ကိုယ့်ကိုယ်ကို မလိမ်ညာပါနဲ့ “ပိုက်ဆံဆိုတာ အရေးမကြီးပါဘူး… အချစ်ရှိရင် ရပြီ… ပျော်ရွှင်မှုကို ပိုက်ဆံနဲ့ ဝယ်လို့မရဘူး…” ဒီစကားတွေက လုံးဝမှားတယ်လို့တော့ မပြောပါဘူး ဒါပေမယ့် အကုန်လုံးမှန်တယ်လို့လည်း မပြောနိုင်ပါဘူး။ တစ်ခါလောက် ပိုက်ဆံမရှိဘဲ ဆေးရုံသွားကြည့်ပါ ဆေးစစ်ပြီး ဆေးဝယ်ဖို့အချိန်ရောက်တဲ့အခါ “ပိုက်ဆံမရှိဘူး… အချစ်ပဲရှိတယ် မေတ္တာတွေပဲရှိတယ်..ငါက စိတ်ကောင်းရှိတဲ့လူပါ” လို့ ပြောကြည့်ပါ ၊ ဘယ်သူမှ ဆေးအလကားပေးမှာ မဟုတ်ပါဘူး အဲဒီအချိန်ရောက်မှ နားလည်လာပါလိမ့်မယ်.. အချစ်နဲ့ စိတ်ကောင်းရှိမှုဟာ တန်ဖိုးရှိပေမယ့် ခေါင်းကိုက်ပျောက်ဆေးတစ်လုံးတောင် ဝယ်ပေးလို့ မရတဲ့ အချိန်တွေရှိတယ်ဆိုတာကိုပါ။ အလုပ်ပျက်ပြီး ဝင်ငွေမရှိတဲ့အချိန်မှာလည်း မီးဖိုး၊ ရေဖိုး၊ အင်တာနက်ဖိုး၊ သွားလာစရိတ်၊ စားစရိတ်တွေက...ကိုယ့်ခံစားချက်ကို မေးမနေဘဲ ဆက်ပြီး တောင်းနေမှာပါပဲ။ ဒါကြောင့် ပိုက်ဆံက အရေးမကြီးဘူးဆိုတာ မဟုတ်ပါဘူး တကယ်တော့ ပိုက်ဆံက ဘဝရဲ့အရာအားလုံး မဟုတ်တာပဲ ရှိပါတယ်။ “ပျော်ရွှင်မှုကို ပိုက်ဆံနဲ့ ဝယ်လို့မရဘူး” ဆိုတာလည်း အပြည့်အဝ မမှန်ပါဘူး ပိုက်ဆံလုံလုံလောက်လောက်ရှိတဲ့အခါ စိတ်ပူစရာတချို့ လျော့သွားတယ်။ မနက်ဖြန် စားဖို့အတွက် ဘာလုပ်ရမလဲဆိုပြီး ညတိုင်း စိုးရိမ်တွေးပူနေရတာမျိုး လျော့သွားတယ် မိသားစုဝင်တစ်ယောက် နေမကောင်းတဲ့အခါ ဆေးရုံတင်ဖို့၊ ဆေးဖိုးပေးဖို့ ပိုက်ဆံမရှိလို့ မျက်ရည်ကျရတဲ့အခြေအနေကနေ လွတ်မြောက်နိုင်တယ်။ အဆင်မပြေလို့ ငိုရရင်တောင် အဲယားကွန်းကားထဲမှာ ငိုရတာက လမ်းဘေးမှာ ငိုရတာထက် ပိုသက်သာတယ် မဟုတ်လား။ ပိုက်ဆံရှိတာနဲ့ ပြဿနာတွေ ပျောက်သွားတာတော့ မဟုတ်ပါဘူး ဒါပေမယ့် ပြဿနာတချို့ကို ဖြေရှင်းဖို့ ရွေးချယ်စရာနဲ့ အခွင့်အရေး ပိုရလာတာပါ။ ပိုက်ဆံနဲ့ အချစ်စစ်စစ်ကို ဝယ်လို့မရဘူး ကျန်းမာရေးကို အပြည့်အဝ ဝယ်လို့မရဘူး ဘဝရဲ့အရာအားလုံးကို ဝယ်လို့မရဘူး စိတ်ချမ်းသာမှုကိုလည်း အာမခံချက်နဲ့ ဝယ်လို့မရဘူး။ ဒါပေမယ့်— ကျန်းမာရေးမကောင်းတဲ့အခါ ကုသခွင့်ကို ဝယ်နိုင်တယ် ဗိုက်ဆာတဲ့အခါ အစားအစာကို ဝယ်နိုင်တယ် အိမ်မရှိတဲ့အခါ နေစရာကို ဝယ်နိုင်တယ် ပင်ပန်းတဲ့အခါ သက်သာအောင် နေထိုင်နိုင်မယ့် အခြေအနေကို ဖန်တီးနိုင်တယ် ကိုယ့်မိသားစုကိုလည်း အခက်အခဲတချို့ကနေ ကာကွယ်ပေးနိုင်တယ်။ ဒါကြောင့် ပိုက်ဆံဟာ ဘဝရဲ့အရာအားလုံး မဟုတ်ပေမယ့် ဘဝကို အဆင်ပြေပြေ ရှင်သန်နိုင်ဖို့ အရေးကြီးတဲ့ ကိရိယာတစ်ခုတော့ ဖြစ်ပါတယ်။ ဒါကြောင့် ပိုက်ဆံရှာရတာကို မရှက်ပါနဲ့... စျေးရောင်းရတာ မရှက်ပါနဲ့ အလုပ်ကြမ်းလုပ်ရတာ မရှက်ပါနဲ့ ကိုယ့်လက်နဲ့ ကိုယ်ရှာတဲ့ငွေဆိုရင် ငွေပမာဏနည်းတာထက် ရိုးသားမှုရှိတာက ပိုတန်ဖိုးရှိပါတယ်။ လူတွေက ကိုယ့်အလုပ်ကို ဘာပြောမလဲဆိုတာထက် ညအိပ်တဲ့အခါ ကိုယ့်အိတ်ကပ်ထဲမှာ ဘာရှိလဲ၊ မိသားစုအတွက် လိုအပ်တာရှိလာရင် ဘယ်လိုဖြေရှင်းမလဲ၊ မနက်ဖြန်အတွက် ကိုယ့်မှာ ဘာအရန်ရှိလဲဆိုတာကို ပိုစဉ်းစားပါ။ ဘဝမှာ အခက်အခဲရောက်လာတဲ့အခါ လူတိုင်းက ကိုယ့်ဘေးမှာ ရှိပေးနိုင်မှာ မဟုတ်ဘူး ကိုယ်ငတ်တဲ့အခါ လူတိုင်းက ထမင်းလာကျွေးမှာ မဟုတ်ဘူး ၊ ကိုယ်နေမကောင်းတဲ့အခါ လူတိုင်းက ဆေးဖိုးလာပေးမှာ မဟုတ်ဘူး ၊ ကိုယ်အလုပ်ပြုတ်တဲ့ အခါ လူတိုင်းက အလုပ်ပေးမှာ မဟုတ်ဘူး အရေးပေါ်ငွေလိုတဲ့အခါ ဖုန်းဆက်တိုင်းလည်း လူတိုင်းက ဖုန်းကိုင်ချင်ပေးကြမှာ မဟုတ်ဘူး။ အဲဒါကြောင့် လူတွေကို မယုံလို့ ပိုက်ဆံရှာခိုင်းတာ မဟုတ်ပါဘူး တစ်နေ့မှာ ကိုယ့်ဘဝကို ကိုယ်တိုင်တာဝန်ယူနိုင်အောင် ကြိုတင်ပြင်ဆင်ထားဖို့ ပြောတာပါ။ ဒီနေ့ ကျန်းမာနေတယ်ဆိုပြီး မနက်ဖြန်လည်း ကျန်းမာနေမယ်လို့ အာမခံလို့မရဘူး ဒီနေ့ အလုပ်ရှိတယ်ဆိုပြီး နောက်လမှာလည်း အလုပ်ရှိမယ်လို့ မသေချာဘူး ဒီနေ့ ဝင်ငွေကောင်းတယ်ဆိုပြီး ဘဝတစ်လျှောက်လုံး အဲဒီလိုပဲ ဖြစ်နေမယ်လို့လည်း မပြောနိုင်ဘူး။ ဒါကြောင့် ရတဲ့အချိန်မှာ ရှာပါ ရှာနိုင်သလောက် ရှာပါ ၊ သင်ယူရင်း ရှာပါ ကျွမ်းကျင်မှုတိုးရင်း ရှာပါ ၊ကိုယ့်တန်ဖိုးတိုးအောင် လုပ်ရင်း ရှာပါ ၊ ပြီးတော့ ရလာတဲ့ပိုက်ဆံကို အကုန်မသုံးဘဲ သိမ်းဆည်းတတ်ဖို့လည်း သင်ယူပါ။ ပိုက်ဆံရှာတတ်တာတစ်ခုတည်းနဲ့ မလုံလောက်ပါဘူး ပိုက်ဆံကို ထိန်းတတ်ဖို့၊လိုအပ်တဲ့အချိန်မှာ မှန်မှန်ကန်ကန် အသုံးချတတ်ဖို့လည်း လိုပါတယ်။ တစ်နေ့နေ့မှာ ကိုယ်ချစ်တဲ့သူတစ်ယောက် နေမကောင်းတဲ့အခါ “ငါသူ့ကို အရမ်းချစ်တယ်” ဆိုတဲ့စကားထက် “ဆေးရုံတင်ဖို့ ပိုက်ဆံရှိတယ်” ဆိုတဲ့စကားက ပိုအသုံးဝင်တဲ့အချိန် ရှိလို့ပါ။ ဘဝမှာ ပိုက်ဆံက အရာအားလုံး မဟုတ်ပါဘူး ဒါပေမယ့် ပိုက်ဆံမရှိတဲ့အခါ အရာတော်တော်များများက ဘယ်လောက်ခက်ခဲသွားနိုင်လဲဆိုတာကိုတော့ လက်တွေ့ကြုံဖူးသူတိုင်း သိပါတယ်။ ဒါကြောင့်— “ပိုက်ဆံက အရေးမကြီးပါဘူး” လို့ပြောပြီး ကိုယ့်ကိုယ်ကို မလိမ်ညာပါနဲ့။ ပိုက်ဆံရှိလာတဲ့အခါလည်း ပိုက်ဆံကြောင့် ကိုယ့်နှလုံးသား မပျောက်သွားအောင် လူတစ်ယောက်အဖြစ် ဆက်ပြီးကောင်းနေပါ။ ဒါကြောင့် ပိုက်ဆံရှာရမှာ မရှက်ပါနဲ့ ကိုယ့်ဘဝကို ကိုယ်တိုင် ရပ်တည်နိုင်အောင်၊ ကိုယ်ချစ်တဲ့သူတွေကို တတ်နိုင်သလောက် ကာကွယ်ပေးနိုင်အောင် ဒီနေ့ကစပြီး ကြိုးစားပါ။
𝐓 𝐨 𝐱 𝐢 𝐜
Region: MM
Wednesday 02 September 2026 16:18:11 GMT
Music
Download
Comments
爱•|ᴋᴀɪᴢᴇɴ✓ ♏ :
ယူသုံးမယ်broရလား🥰
2026-09-02 22:29:21
2
ဟံသိုက် သီဟ :
ယူသုံးမယ်နော့
2026-09-07 06:48:15
0
✨✨𝓗𝓽𝓮𝓽 𝓼𝓱𝓲𝓷𝓮🪐🪐 :
ဆရာ pika စကားတွေ😳
2026-09-03 04:26:32
0
@Mg J©® :
ဟုတယ်pro
2026-09-03 02:10:08
0
😘😘Hsue Htet Hnin😘😘 :
စာသားလေချလေးပါလားbroပြန်တင်ချင်လို့ပါ
2026-09-05 13:20:42
0
H K L :
မှန်တာပဲ🥺🥺
2026-09-03 13:36:30
0
ℋ𝒶𝓎ℒ𝒾𝒯𝒽𝓊𝒵𝒶𝓇𝒯𝒽𝒾𝓃 :
🥰🥰🥰
2026-09-02 16:27:56
1
Thein Moe Oo :
😌❤️🩹🥀
2026-09-03 09:44:30
0
To see more videos from user @mg_12_3, please go to the Tikwm
homepage.
