@aarkaxasbahalenugaal: #DEGDEG :CAMBAARAYN IYO DHALIIL KU SOCOTA DEEGAANKA QARXIS Waxaan si adag u cambaaraynayaa dhacdada foosha xun ee ku dhacday wiil dhalinyaro ah oo reer Xuseen ah, kaas oo sheegay in gaarigiisa lagu qaatay deegaanka Qarxis, kadibna markii uu dadka deegaanka ka codsaday in laga caawiyo soo qabashada cidda falka geysatay, loogu jawaabay hadal aad looga xumaado oo ahaa: “Adigu cid keenso.” Waxaa intaas ka sii daran in maanta gaarigii ninka dhalinyarada ahaa la gubay, iyadoo arrintu sidaas ku noqotay dhacdo aan la iska indho tiri karin. Haddii dhacdadani sida loo sheegay u dhacday, waa arrin aad u foolxun oo dhaawac ku ah magaca iyo sumcadda deegaanka Qarxis, waxaana mas’uuliyadda ugu weyn iska leh dadka deegaanka ee og xogta dhacdada, cidda falka geysatay ama garanaysa halka gaariga lagu qariyay. Degaanka wanaagsan waxaa lagu yaqaan in dadka martida ah iyo kuwa deegaanka ahba loo ilaaliyo naftooda iyo hantidooda. Lama aqbali karo in qof dhibban uu gargaar weydiisto, kadibna lagu yiraahdo “adigu cid keenso.” Waxaan ugu baaqayaa odayaasha, waxgaradka, maamulka iyo dhammaan dadka reer Qarxis inay arrintan si dhab ah uga jawaabaan, baaritaan dhab ahna lagu sameeyo, cidii ka dambaysayna sharciga la horgeeyo. Qofka gaarigiisa laga gubay maanta waa dhibbanaha; berri qof kale ayay hantidiisu noqon kartaa. Aamusnaanta iyo iska indhatirku xal ma aha. Reer Qarxis waxaa laga rabaa inay ilaashadaan karaamadooda, amnigoodaa iyo magacooda wanaagsan ee deegaanka lagu yaqaanay.

aaarkaxasbahalenugaal

Open In TikTok:

Region: SO

Wednesday 02 September 2026 17:23:10 GMT