@tehsil_dunyamiz: Böyüdükcə bir həqiqəti daha dərindən anlayıram: insanın həyatda sahib olduğu ən böyük nemət valideynlərinin varlığıdır. Uşaqlıqda adi gördüyüm, bəzən hətta anlamadığım bir çox şeyin arxasında anamın və atamın sevgisi, zəhməti və narahatlığı olduğunu indi daha yaxşı dərk edirəm. Onların hər “özünü qoru”, hər “gec qalma”, hər “yeməyini ye” deməyinin arxasında nə qədər böyük sevgi olduğunu zaman keçdikcə anlayıram. Mənim üçün valideynlərim sadəcə ailəm deyil. Onlar mənim ən güvəndiyim yer, nə qədər böyüsəm də sığındığım limandır. Həyat nə qədər dəyişsə də, onların yanında özümü yenə də uşaq kimi hiss edirəm. Bəzən düşünürəm ki, insanın ən böyük qorxusu sahib olduqlarını itirməkdir. Mənim də ən böyük qorxularımdan biri anamı və atamı itirməkdir. Çünki bilirəm ki, onların yerini heç kim, heç nə doldura bilməz. Kaş ki, valideynlərimizin qədrini hər zaman bilək. Onlar yanımızdaykən sevgimizi göstərək, qucaqlayaq, “yaxşı ki varsınız” deməyə heç vaxt gecikməyək. Çünki bəzi insanlar həyatımızda sadəcə olmur… onlar bizim həyatımızın özüdür. Yaxşı ki siz! Dünya döndükcə siz var olun!🙏🏻❤️ #kəşfet #kesfet #fypシ #мама #папа

tehsil_dunyamiz

Open In TikTok:

Region: AZ

Wednesday 02 September 2026 19:04:41 GMT