@suldanate: Ku dhex lumay xusuustaada Igu dhalisay weydiimo Fikirkana ku dheeraaday Dhigay oo jawaab waayay. Hadba gocosho dhiillaabay Wax i dhaafay dibu raadshay Dhafray adi daraaddada Inkastoon ku sii dhowray Dhici waa heshiiskeenu. Dhacdadana is diidsiiyay Dhaayaha ka meermeershay Ka furaystay dhagahayga. Adoo dhigay jacaylkeena Sidaan kuugu dhololaayo Haddaad dhaygag ila yaabto Dhibtu maaha guudkayga Caashaqaa dhalliishaa leh Dhoohanaanta igu beeray Dhalan rogay dareenkayga. Qalbigaygan dhiifaysan Dhiban aawadaa ciilan Ilmaduu dhab ugu ooyay Indhihii ka soo dhaanshay Sow dhabanka may qoynin Dhulka webi kamay jeexin. Cabashada dhambaalkayga Dhayal sow umaad qaadan Anna sow sidii dhoolka Dhibiciisa uma hoorin Adna sida dhadhaab aasan Umaad dhagax dixeedoobin. Gefka dhoy la'aantayda Iga dhaca kol mooyaane Inta kale ka dhaga beeshay Samahayga dhugan wayday Dharaar qudha wanaagayga Dhaayahaagu qaban waaye. Libta iyo dhabbada guusha Igu dhiirrigelin wayday Intaan dhabar adaygaayo Kolba gebi dhaclaynaayo Adiguna dhib iyo hawlo Dheeraada igu deeqday. Axdi dhaba hankii dhaaxa Kugu dhaatay kuu dhaartay Udubkiyo dhigtiisiiba Markii ay hungada dhuuxa Kaga dhalisay quustaadu Dhidibkiina loo saaray Rejo dhigay hiraalkayga Ka dhex baxay gayaankayga. Dhulkoo dama' intaan guuray Saqda dhexe ku doon doonay Halis iyo ku dhacay biime Nafta dhibay anoo daalan Dhimirkaan qiyaasayne Tiro dhaaf culayskaagu. Mana sugayo dhaankeena Mal labaad u rara dhoomo Kaamana dhursugo haatan Balse waan dhadhabayaaye Dhawaqay ku tidhi laabtu "Dhayi wayday awgaa qof Dhaawucu u soo gaadhay Naf ku jecel ku dheeldheeshay" #somalitiktok #fyp #fyyyyyyyyyyyyyyyyyyyyyyyyyyyyyyyyyyyyyy #fypageee

🅐🅜

Open In TikTok:

Region: SO

Wednesday 02 September 2026 19:20:04 GMT