@forsan.20: فكرة استحالة حدوث الشيء عموما هي اكتر فكرة سلبية بتأثر علي تفكير الشخص سواء في حياته او مواقفه او علاقاته او تمنياته الايمان بالمتمنى حدوثه هو اهم شيء في المعادلة رغم مدي الصعوبة الي ممكن تكون راسمها التوقيت عمره ما كان مهم رغم ان هو اكتر عامل ممكن يزود سلبيتك تجاه الشيء اما بيتاخر ويخليك تحس بفقدان للامل تجاهه وبالذات اما تقرب منه ويبعد بتحس باقصي مشاعر الخذلان عمر كبير عدي غايب فيه النادي عن التتويج باكتر بطولة اتعلق بيها الكبير والصغير وحتي الي اتولد وكبر وماشفش الزمالك بطل ليها وشافه قريب منها في مرات وهي بتبعد عنه وتزود فترات صبر حتي غابت عنه المحاولات انه يوصلها وعمر ما كان ده مكانه ولا يستحقه بعيد عن فساد بيحاربه حواليه وفساد بيحاربه جواه من مجالس بتتوالي من افشل لافشل لكن يفضل الايمان جواك انه لازم يرجع ولازم يوصلها مهما كانت الظروف بدون اي حسبه بدون لاعيبه بدون مجلس بدون فلوس بدون قيد بدون اقل الرفاهيات بس هو لازم يبقي هنا وعمره ما يقبل بالظهور المشرف وده ايمان كل واحد الي بيسعي انه يحافظ عليه عودة الزمالك لدوري الابطال بطولته المفضله في القرن العشرين والاكثر تتويج بيها وغيابها عنه طول السنين دي حدث لا يمر مرور الكرام الزمالك بيبدأ مشواره بكل مشاكل الدنيا ولكن معاه حل سحري عمره ما اتخلي عنه وعمره ما خذله الممثل الوحيد للنادي اسمه " الوايت نايتس" فهنا الاستحالة بتقدر تشوفها من خلالها ممكنة وسهلة الحدوث مفيش معاها اي مشاعر سلبية رغم سوداوية ظروف النادي فهي اللاعب رقم واحد واتنين وتلاته هي الحداشر بالدكة بالي برا القايمة كعب داير جوه وبرا وراه بتحارب لرفع اسمه رغم اي ظروف ومش بتزهق من كتر المحاولات ومفيش في قاموسها يأس مشوار جديد للبحث عن اللقب رقم سته ولا يمكن قلبك ما يتهزش وانت بتتخيل الزمالك يرجع لمجده الافريقي تاني لان ده مكانه وده الي مستنيه الجمهور وبيتمناه ومش شاغله ايه المشاكل الي بتعطل النادي انه ميقفلش اصلا كل ده مش متشاف مش متشاف غير رقم سته والنجمة السادسة تبقي مزينة تيشرت السنة الجديدة لاجل كل الي بيحلموا بقالهم سنين ولاجل الي حلموا وفارقونا ومشافوش الحلم بيتحقق ولاجل كل الي مفقدش الايمان ان الزمالك بطل وعمره ما كان غير كدا افريقيا يا زمالك. #اولتراس وايت نايتس #JFT20 #fyp #زمالك #ultras_white_knights
