@kingmuhammedsunusi: KAYI BABBAN ASARA IDAN HAR KA GAMA ADDU'A BAKA ROƘI ALLAH WAƊANNAN ABUBUWAN BA. Yawancin mu idan mun ɗaga hannu muna addu'a, lissafin mu kawai a kan Allah Ya bamu maƙudan kuɗi, gida, ko mota ne. Babu laifi ka nemi abin duniya, amma fa ka sani kuɗi ƙarewa yake yi, mota kuma lalacewa take yi. Akwai wasu abubuwa guda 5 da idan har ka roƙi Allah Ya baka su, wallahi ka gama cin nasarar rayuwarka ta duniya da lahira. Kada ka taɓa shafa addu'arka baka roƙi waɗannan ba: 1.Kyakkyawan Ƙarshe: Duk girman matsayinka da tarin dukiyarka a duniyar nan, ramin da zaka shiga kai kaɗai ne. Idan baka roƙi Allah Ya tabbatar da imaninka a lokacin da zaka bar duniya ba, asararka zata zama ta har abada. 2. Rufin Asiri Wanda Baya Tare Da Gori: Ka roƙi Allah Ya baka halas ɗinka, wanda ba sai ka zubar da mutuncinka a wajen wani ɗan adam ko ka ci bashin da za a yi maka gori ba kafin ka ciyar da kanka. Rufin asiri fa shine asalin kwarjinin namiji. 3. Natsuwar Zuciya Da Lafiya: Kuɗi kadai baya sayen natsuwa ko kaɗan, Ka roƙi Allah Ya baka lafiyar jiki da natsuwar da zaka kwanta bacci ba tare da fargaba ko tashin hankali ba. Wannan ita ce ainihin daular da wasu masu kuɗin suke neman ta da tsada amma sun rasa. 4. Kariya Daga Sharrin Makusanta: Kada ka taɓa mantawa ka roƙi Allah Ya tsare ka daga mutanen da kuke dariya ɗaya da su a zahiri, amma a ƙasan zukatansu baƙin cikin ci gabanka suke yi. Sharrin kusa fa shine yafi saurin kashe namiji. 5. Zuri'a Da Iyali Na Gari: A ƙarshen rayuwarka a lokacin da ƙarfinka ya ƙare, ba abokan majalisa ne zasu tsaya da kai ba; iyalinka ne. Ka roƙi Allah Ya baka matar da zata rufa maka asiri, da 'ya'yan da zasu ci gaba da yi maka addu'a idan ka koma ga Mahaliccinka. Dan'uwa, ka daina ɓata gaba ɗaya addu'arka a kan abubuwan da zasu ƙare gobe. Ka nemi asalin abubuwan da zasu gina maka natsuwa a duniya da lahira. ................... A ELFAROUK PLUS PHONES muna da wayoyi masu inganci akan farashi mai kyau, Sannan muna aikatawa da su zuwa ko ina a fadin Nigeria kuma su iso cikin aminci. Allah yasa mudace.

KING SUNUSI👑

Open In TikTok:

Region: NG

Wednesday 02 September 2026 20:32:20 GMT