@baloch_4586: وقت جي واريءَ تي ويهي جڏهن ماضيءَ جا نقش يادوقت جي واريءَ تي ويهي اچن ٿا، تڏهن اکين ۾ لڙڪ ته ناهن ايندا، پر دل ضرور روئي پوندي آهي. ڪجهه ماڻهو زندگيءَ ۾ ايترا خاص هوندا آهن جو سندن ياد هر خوشيءَ کي اڌورو ڪري ڇڏيندي آهي....* مان به اڄ هن خاموش شام ۾ ويٺو آهيان، چهري تي سڪون ضرور آهي، پر اندر ۾ هڪ طوفان برپا آهي. ڪنهن وقت جيڪي خواب گڏ ڏٺاسين، اڄ اهي خواب رڳو ياد بڻجي ويا آهن. جن هٿن کي پنهنجي قسمت سمجهيو هو، اهي هٿ اڄ ڪنهن ٻي دنيا جا ٿي چڪا آهن. زندگي عجيب سفر آهي، هتي ماڻهو ملن ٿا، دلين ۾ گهر ڪن ٿا، واعدا ڪن ٿا، ۽ پوءِ هڪ ڏينهن بنا ڪنهن آواز جي هليا وڃن ٿا. پويان رهجي وڃن ٿيون ته صرف يادون، جيڪي هر رات ننڊ کان اڳ دل جي در تي دستڪ ڏين ٿيون. ڪڏهن ڪڏهن لڳندو آهي ته مان بدلجي ويو آهيان، پر حقيقت ۾ مان نه، حالتن مون کي بدلائي ڇڏيو آهي. هاڻي نه ڪنهن کان گهڻيون اميدون آهن، نه ئي ڪنهن شڪايت جو شوق رهيو آهي. بس دل ايترو ئي چاهي ٿي ته جيڪي ماڻهو پنهنجا هئا، اهي هميشه پنهنجا ئي رهن ها. خاموش چهري پويان هزارين اڻ چيل ڳالهيون لڪيل آهن. هر مسڪراهٽ جي پويان هڪ ڪهاڻي آهي، هر نظر جي پويان هڪ انتظار آهي، ۽ هر خاموشيءَ جي پويان هڪ درد آهي، جيڪو لفظن ۾ بيان نٿو ٿي سگهي. زندگي گذري رهي آهي، پر ڪجهه يادون اڄ به اتي ئي بيٺيون آهن، جتي دل آخري ڀيرو ڪنهن کي پنهنجو سمجهيو هو.

شَامُن جو مُسافِر!

Open In TikTok:

Region: PK

Thursday 03 September 2026 05:52:50 GMT