جان وارنے کے جھوٹے دعوے نہیں آتے مجھے، میں محبت کو لفظوں میں سجانے سے زیادہ اسے نبھانا جانتا ہوں۔ میں تمہیں یہ وعدہ نہیں دوں گا کہ ہر مشکل میں اپنی جان تم پر وار دوں گا، مگر اتنا ضرور کہوں گا کہ جہاں تک میری حیثیت ہوگی، وہاں تک تمہارے ساتھ کھڑا ملوں گا۔ تمہارے اچھے دنوں میں تو ہر کوئی اپنا بن جاتا ہے، مجھے تو تمہارے بُرے وقت میں اپنی پہچان دینی ہے۔ جب دنیا تم سے منہ موڑ لے، جب اپنوں کے رویّے بدل جائیں، جب تمہیں لگے کہ کوئی تمہارا نہیں رہا، تب بھی میری موجودگی تمہیں خاموشی سے اپنا ہونے کا یقین دے گی۔ میں بڑے بڑے دعوے نہیں کرتا، نہ محبت کے قصے سنا کر تمہیں یقین دلاتا ہوں، میری وفا کا انداز تھوڑا خاموش ضرور ہے، مگر بہت گہرا ہے۔ میں یہ نہیں کہوں گا کہ تمہارے لیے ستارے توڑ لاؤں گا، مگر تمہاری آنکھوں میں آنسو دیکھ کر اپنی مسکراہٹ بھول جاؤں گا۔ میں تمہیں یہ نہیں کہوں گا کہ دنیا کے خلاف تمہارے لیے لڑ جاؤں گا، مگر اگر تم سچ پر ہوئے تو اپنی حد تک تمہارا ساتھ ضرور دوں گا۔ میری محبت کا مطلب خود کو مٹا دینا نہیں، بلکہ تمہیں اپنی ذات میں وہ مقام دینا ہے جہاں تمہیں کبھی اپنی اہمیت پر شک نہ ہو۔ میں ہر وقت تمہارے ساتھ چلنے کا وعدہ نہیں کرتا، مگر جب تمہیں سہارا چاہیے ہوگا، میں اپنے قدم روک کر تمہارا انتظار ضرور کروں گا۔ تم گر پڑو تو تمہیں اٹھانے کی کوشش ہوگی، تم تھک جاؤ تو تمہارے لیے سکون بننے کی کوشش ہوگی، اور تم خاموش ہو جاؤ تو تمہاری خاموشی سمجھنے کی کوشش ہوگی۔ کیونکہ محبت صرف یہ نہیں کہ کوئی کہے "میں تم پر جان دیتا ہوں"، محبت تو شاید یہ ہے کہ کوئی تمہاری عزت، تمہاری خاموشی، تمہاری کمزوری اور تمہاری حقیقت سب جان کر بھی تمہارے ساتھ کھڑا رہے۔ سو میں بھی جان وارنے کے دعوے نہیں کرتا، بس اتنا جانتا ہوں کہ میری محبت جتنی ہے، میری وفا جتنی ہے، میری حیثیت جتنی ہے، میں اتنی ہی سچائی سے تمہارے ساتھ کھڑا ملوں گا_🤌🌼♥️ #fyp @🌸~ @🕊️انـــــــت الحــــيــات🌿🌜 @𝘼𝙃𝙎𝘼𝙉🪐 @🌸مُجھے تُم یاد آتے ہو🌸 - @umiieditz0