@sopheakfn: ឧបនាយករដ្ឋមន្ដ្រី ស សុខា បន្ថយសក្តិនគរបាលខេត្តពោធិ៍សាត់ម្នាក់ ពាក់ព័ន្ធករណីកាក់ឡានដឹកចិនចង់ត្រួតពិនិត្យលិខិតឆ្លងដែន និងចង់សម្រួលរឿង Scams (ពោធិ៍សាត់)៖ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចេញប្រកាសសម្រេចដាក់ទណ្ឌកម្មវិន័យ នាយរងការិយាល័យសន្ដិសុខផ្ទៃក្នុង នៃស្នងការដ្ឋាននគរបាលខេត្តពោធិ៍សាត់ម្នាក់ ដោយបន្ថយមួយស័ក្ដិ ពាក់ព័ន្ធករណីកាក់ឡានប្រជាពលរដ្ឋតាមដងផ្លូវ ដើម្បីពិនិត្យឯកសារដោយមិនត្រឹមត្រូវ និងខុសពីគោលការណ៍របស់អង្គភាព។ នគរបាលដែលត្រូវដាក់ទណ្ឌកម្មវិន័យ ដោយបន្ថយឋានន្ដរស័ក្ដិឈ្មោះ វរសេនីយ៍ត្រី ភុំ វីរៈ តួនាទីនាយរងការិយាល័យសន្ដិសុខផ្ទៃក្នុង នៃស្នងការដ្ឋាននគរបាលខេត្តពោធិ៍សាត់ មកត្រឹម អនុសេនីយ៍ឯក ក្រោមហេតុផលល្មើសបទវិន័យកងកម្លាំងនគរបាលជាតិកម្ពុជា។ ក្រៅពីបន្ថយឋានន្ដរស័ក្ដិ មកអនុសេនីយ៍ឯកហើយនោះ លោក ភុំ វីរៈ ក៏ត្រូវផ្អាកការងារបណ្ដោះអាសន្ន ដោយតម្រូវឲ្យមកបង្ហាញមុខនៅការិយាល័យបុគ្គលិក នៃស្នងការដ្ឋាននគរបាលជាតិ រៀងរាល់ម៉ោងធ្វើការ៕

SopheakFN

Open In TikTok:

Region: KH

Thursday 03 September 2026 08:59:55 GMT