ቁረተል ዓይኔ የሐበሾች የፍቅር ልሳን! ከጥንት ከጠዋቱ የተዘረጋ የፍቅር መረብ ሐበሾች ዘንድ አለ። ይሄ ፍቅር ብዙዎችን በዝምታ አርምሞ ውስጥ ዱሏል። የርካቶችን የልብ አታሞ እየደለቀ በትዝታ ሲያከንፍ ሰንብቷል። ናፋቂና አፍቃሪዎችን በቃላትና በስንኝ ሲያናግር ኖሯል። ሐበሻ ለፍቅር ርቀት ያልገደባት፣ ከጥንት እስከ ዛሬ ናፍቆት የወለዳቸው ቅኔዎች የሚከረርባት አንባ ነች። ይሄ ኑባሬ ቀደምቶቻችን ያሰመሩትን ቀኖና ይዞ እስካሁ እየተጓዘ ነው። ቀደምቶቻችን ተወዳጁን ሰይዳችንንﷺ ቁረተል ዓይኔ ሲሉ አወድሰዋል። ያይኔ ማረፊያ ሲሉ ዘክረዋል። ይሄ ትውልድም ይህንኑ የውዳሴ መንገድ አጥብቆ ይዞታል። የአበው ውርስ አድርጎ ተቀብሎ ከዘመኑ ጋር እያራመደ ይገኛል። አሁንም ሐበሾች በየ ጊዜው ቁረተል ዓይኔ እንላለን። የዘመኑ ጥበባዊ አንድምታን ተከትሎ በተለያዩ ገጣሚያን ቀለም እየተቀዳ በማዲሆቻችን ልሳን ውዱ ነቢ ሲወደሱ ይኖራሉ። ታላቁ የውልደታቸው ወር ወርሃ ረቢዕም ድባቡን ማሸብረቅ ጀምሯል። እኛም በተለያዪ ቀለማት፣ በተለያዪ ማዲሆቻችን ልሳን…አሽረፈል ኸልቅንﷺ ቁረተል ዓይኔ እንላለን!! በቅርቡ ከሚለቀቁ ቁረተል ዓይኔዎች ውስጥ አንዱ በገጣሚያችን ዛሒድ ኢቅባል ተፅፎ በድምፀ መረዋው ማዲህ አንዋር አል ቡርዳ የተዘከረው ቁረተል ዓይኔ ነው። በቅርብ ቀን ለታዳሚያን ይደርሳል! @anwar al burda @Zahid Iqbal #creatorsearchinsights #islamicviralvideos #menzuma #fyp #islamicfyp - @liqaulmuhib