@rayan24319: يمكن لأن الدنيا ما ادتنا فرصة نعيش عمرنا زي ما مفروض نعيشو، كل ما حاولنا نفرح، جابت لينا حاجة تخلينا نرجع نفكر ألف مرة قبل ما نبتسم. في العشرين '' المفروض نكون بنكتشف الحياة، ما بنحاول نتجاوزها.'' مفروض أكبر همومنا تكون حاجات بسيطة، لكن لقينا نفسنا شايلين همّ بكرة، ووجع الأمس، وخوف من حاجات لسه ما حصلت. الدنيا ما سرقت مننا السنين… سرقت الإحساس البكان فيها. سرقت عفويتنا، أماننا، وثقتنا في إنو بكرة ممكن يكون أحسن من غير ما نخاف منو. كبرنا بدري… مش بالعمر، لكن بالحاجات البقينا نفهمها غصبًا عننا. بقينا نعرف إنو بعض الغياب ما عندو رجعة، وإنو بعض الخذلان بيغيّر فينا حاجات ما بترجع زي الأول، وإنو الإنسان ممكن يضحك قدام الناس وقلبو في مكان تاني تمامًا. نحن في العشرين… لكن في جوانا نسخة صغيرة لسه بتسأل: «ليه الحياة كانت قاسية كدا؟ وليه ما خلتنا نعيش عمرنا بس؟» يمكن يومًا ما نفهم الحكمة من كل الحصل… لكن الليلة، كل البنعرفو إننا تعبنا من إننا نكون أقوى من عمرنا. 🤍

Rayan 🦋🤎

Open In TikTok:

Region: SD

Thursday 03 September 2026 12:31:22 GMT