@sundari__71: آپ لوگوں کا بہت شکر گزار ہوں کہ آپ لوگوں نے مجھے اتنا سارا پیار دیا، میری خاموشیوں کو بھی لفظ سمجھا، میری اداس تحریروں میں اپنا سا درد ڈھونڈا، اور میری ہر بات کو دل سے پڑھا۔ کچھ لوگ راستے میں ملتے ہیں، چند لمحے ساتھ چلتے ہیں، مگر اپنی محبت کی خوشبو ہمیشہ کے لیے دل میں چھوڑ جاتے ہیں۔ آپ سب بھی میرے سفر کے وہی خوبصورت مسافر ہو جنہیں وقت کبھی بھلا نہیں سکے گا۔ اگر میری کسی بات نے کبھی آپ کے چہرے پر مسکراہٹ سجائی ہو، اگر کسی شعر نے آپ کے دل کا کوئی زخم سہلایا ہو، اگر میری تحریر نے کسی تنہا رات میں آپ کا ساتھ دیا ہو، تو سمجھوں گا میری لفظوں کی دنیا بے مقصد نہیں تھی۔ اب وقت ہے کچھ خاموش ہونے کا، کچھ یادوں کو دل میں رکھنے کا، کچھ قصوں کو ادھورا چھوڑنے کا، اور گزرے ہوئے لمحوں کو محبت سے رخصت کرنے کا۔ زندگی کا سفر چلتا رہے گا، لوگ ملیں گے، لوگ بچھڑیں گے، کچھ نام دعاؤں میں رہ جائیں گے، کچھ چہرے یادوں میں دھندلا جائیں گے، مگر آپ لوگوں کی محبت ہمیشہ میرے دل کے کسی کونے میں روشن چراغ کی طرح جلتی رہے گی۔ خوش رہو سب، جہاں رہو آباد رہو، تمہاری آنکھوں میں کبھی نمی نہ آئے، تمہارے نصیب میں کبھی تنہائی نہ ہو، اور زندگی تمہیں وہ سب عطا کرے جس کی تم نے خاموشی سے دعا مانگی ہے۔ اگر کبھی میری کمی محسوس ہو تو میری تحریروں میں مجھے ڈھونڈ لینا، کسی پرانے شعر میں، کسی ادھوری نظم میں، یا کسی ایسی رات میں جب دل بے سبب اداس ہو جائے۔ میں چلتا ہوں، مگر جاتے جاتے بس اتنا کہوں گا— محبت دینے والوں، میرا شکریہ قبول ہو۔ آپ کی محبت میرے لیے کسی انمول خزانے سے کم نہیں۔ خوش رہو سب، محفوظ رہو، مسکراتے رہو۔ اور اگر یہ واقعی اختتام ہے تو اسے اختتام مت کہنا، بس ایک خوبصورت وقفہ سمجھ لینا۔ کچھ موسم گزر جاتے ہیں، کچھ لوگ گزر جاتے ہیں، مگر کچھ محبتیں وقت گزرنے کے بعد بھی دل میں زندہ رہتی ہیں۔#foryou #foryoupage #fyp #viralvideo