میں نے آپ کو صرف پسند نہیں کیا میں نے آپ کو اپنے دل کی اُن دعاؤں میں رکھا ہے جنہیں میں بہت خاموشی سے مانگتا ہوں۔ آپ شاید نہیں جانتی کہ میرے دل میں آپ کے لیے کتنے خواب ہیں، کتنی خواہشیں ہیں اور کتنی ایسی باتیں ہیں جو میں کبھی کسی کو بتا نہیں پاتا۔ بس ایک آپ ہو، جسے سوچ کر میرے دل میں ایک عجیب سا سکون اتر آتا ہے۔ مجھے انتظار ہے اُس دن کا جب ہم دونوں ایک ساتھ ہوں گے، ایک دوسرے کے ساتھ چل رہے ہوں گے، اور آپ کا ہاتھ میرے ہاتھ میں ہوگا۔ شاید اس وقت مجھے دنیا کی کوئی اور چیز نہیں چاہیے ہوگی، کیونکہ میری سب سے بڑی خواہش میرے ساتھ کھڑی ہوگی۔ میں چاہتا ہوں کہ ہمارا ساتھ اتنا خوبصورت ہو کہ لوگ ہمیں دیکھ کر مسکرا دیں اور کہیں، "ماشاءاللہ، اللّٰہ بُری نظر سے بچائے، دونوں کتنے پیارے لگ رہے ہیں ساتھ۔" اور اُس لمحے میں بس آپ کو دیکھ کر دل ہی دل میں اللہ کا شکر ادا کروں کہ جس شخص کو میں نے اتنی خاموشی سے چاہا، وہ آج میرے ساتھ ہے۔ میں آپ کے ساتھ صرف محبت نہیں، ایک خوبصورت زندگی چاہتا ہوں میں چاہتا ہوں کہ آپ میرے دوست بھی بنو، میری عادت بھی، میرا سکون بھی اور میرا وہ انسان بھی جس کے سامنے مجھے اپنی خوشی یا اپنے غم چھپانے کی ضرورت نہ پڑے۔ میں چاہتا ہوں کہ جب میں ہنسوں تو آپ کو دیکھ کر ہنسوں، جب اداس ہوں تو آپ کا ساتھ مجھے سنبھال لے، اور جب زندگی مشکل لگے ہم ایک دوسرے کا ہاتھ پکڑ کر کہہ سکیں: "ہم ہیں نا، ایک دوسرے کے لیے۔" میں آپ سے بڑے بڑے وعدے نہیں مانگتا، مجھے بس آپ کا سچا ساتھ چاہیے۔ ایسا ساتھ جو وقت کے ساتھ کمزور نہ پڑے، جو ناراضی میں بھی چھوڑ کر نہ جائے، جو فاصلے میں بھی اپنا محسوس ہو اور مشکل وقت میں اور مضبوط ہو جائے۔ آپ میرے لیے صرف ایک پسندیدہ شخص نہیں ہو، آپ وہ خوبصورت احساس ہو جسے میں اپنی زندگی میں حقیقت بنتا دیکھنا چاہتا ہوں۔ شاید میری سب سے پیاری خواہش یہی ہے کہ ایک دن میں آپ کے ساتھ چل رہا ہوں، اور دنیا ہمیں دیکھ کر کہے: "اللہ بُری نظر سے بچائے، ان دونوں کا ساتھ ہمیشہ قائم رہے۔" - @dill_ka_hall_lafzoon_ma