@miiganeilkacase2: Waan dhigay xanuunkii aan kaa qaaday, waxaan isku dayay inaan illoobo wixii na dhex maray, waxaanan qalbigayga ku qanciyay in maalmaha dambe ay wax walba hagaagi doonaan. Lkn mar kasta oo aan isku dayo inaan kaa fogaado, waxaad dib ii xasuusisaa xanuunkii aan moodayay inuu bogsaday. Jacaylkee maxaad ii dhibaysaa? Haddii aad i jeceshahay, maxaad qalbigayga u dhaawacaysaa? Haddii aadan i rabin, maxaad rajadayda u sii nooleynaysaa? Anigu qalbigayga si dhab ah ayaan kuu siiyay, mana aanan filayn in qofkii aan ka sugayay farxad uu noqdo qofka iga taga anigoo murugo la jiifa. Nabarkii aad igu reebtay weli wuu jiraa, inkastoo aan dadka tuso inaan fiicanahay. Waan dhoolla-caddeeyaa, waan hadlaa, waan iska dhigaa qof aan waxba ka jirin lkn gudaha qalbigayga waxaa ka socda dagaal aanan qof walba u sheegi karin. Waxaan jeclaan lahaa hal mar inaad fahanto inta aan kuu adkaystay, inta jeer ee aan kaa cafiyay, iyo inta jeer ee aan qalbigayga ku iri: “Malaha wuu is beddeli doonaa. Lkn mar kasta waxaad igu soo celisaa isla xanuunkii aan ka cararayay. Hadda waxaan garwaaqsaday in jacaylku uusan ahayn in qof keliya uu mar walba dhaawac qaato, kan kalena uu mar walba raalli ka noqdo. Waxaan rabay inaan kula wadaago farxaddayda, lkn waxaad iga dhigtay inaan xusuustaada la wadaago murugadayda. Nabar aan mar dhay, fadlan dib ha u dhaawicin. Qalbigaygu mar dambe ma awoodo xanuun kale. Haddii aadan i jeclayn, iga tag si aan u bogsado; haddii aad i jeceshahayna, ii muuji jacayl aan xanuun ahayn. #creatorsearchinsights #drmiiganearababdilahi #capcut #everyone #video