@.harfeehsaas: کبھی کبھی ہم رشتوں کا لحاظ رکھتے رکھتے اپنے اندر اتنا زہر اتار لیتے ہیں کہ دوسروں کو خوش رکھنے کے لیے خود کو ہی تکلیف دیتے رہتے ہیں۔ بہت کچھ ایسا ہوتا ہے جو دل کو توڑ دیتا ہے، مگر ہم پھر بھی خاموش رہتے ہیں، صرف اس لیے کہ ہمارے کسی لفظ سے کوئی رشتہ خراب نہ ہو جائے۔ ہم اپنی خوشی، اپنا سکون اور اپنی تکلیف تک بھول کر دوسروں کو اہمیت دیتے رہتے ہیں، لیکن بدلے میں اکثر ہمیں وہی بےقدری ملتی ہے جس کا ہم نے کبھی تصور بھی نہیں کیا ہوتا۔ سب سے زیادہ تکلیف اس بات کی ہوتی ہے کہ جن رشتوں کو بچانے کے لیے ہم نے خود کو اندر سے ختم کر دیا، انہیں ہماری دی ہوئی تکلیف، ہماری خاموشی اور ہماری قربانی کبھی نظر ہی نہیں آئی۔