تیڈے خیال ہوسی شاید توں میڈے کے جدا تھی گئی ہے شاید تیں اے سمجھ گِدے کہ فاصلے محبت کوں ختم کر ڈیندن شاید توں ہک گہل بھل گئی ہے توں صرف میڈی زندگی حصہ نہ ہانویں توں میڈی روح دے اندر وس گئی ہانویں میڈا جسم تیڈے کے جدا تھی سگدے لیکن روح نیں اج وی جیڑہلے رات خاموش تھیندی ہے تاں تیڈی یاداں میڈے اندر کہیں ادھوری دعا دی کار جاگ اٹھدن میں لکھ دفعہ خود کوں سمجھا گھنا کہ توں جا چکی ہے لیکن دل ہر دفعہ ایہو آہدے جیڑہا روح اچ وس ونجے او کڈاہیں وی جدا نیں تھی سگدا تیڈا کھلنڑ تیڈیاں گالہیں اور تیڈا انداز سارا کجھ اج وی میڈے اندر زندہ ہے زندہ رہ ویسی لوک آہدن وقت ہر زخم بھر ڈیندے لیکن میں آہدا کجھ زخم اینجھے ہوندن جیڑہے وقت نال پہلے کے وی زیادہ ساوے تھیندے ویندن تیڈی کمی وی انہیں زخمیں اچوں ہک ہے کجھ جدائیاں انسان کوں زندہ تاں رکھدن لیکن اندر کوں مکمل ویران کر ڈیندن توں شاید بہوں دور ہیویں شاید کہیں بئی دنیا اچ مصروف ہیویں لیکن میڈے دل دے کونے اچ اج وی تیڈا ناں اویں محفوظ ہے جیویں پہلی دفعہ ہئی میڈی ہر خاموشی اچ اج وی تیڈی آواز ہے میڈی ہر دعا اچ اج وی تیڈا ذکر ہے اور میڈی ہر اداس رات تیڈی یاد دے ناں ہے شاید توں کڈاہیں کلہے بہہ کے سوچیندی ہوسیں کہ میں تیکوں بھل گیا ہوساں کملی نہ ہووے بھلا روح اچ وسنڑ آلیں کوں وی کڈاہیں بھلایا ونج سگدے جب تک میڈا آخری ساہ جسم اچ باقی ہے جب تک ایں دل اچ آخری دھڑکن باقی ہے توں صرف میڈیں یادیں اچ نیں بلکہ میڈے وجود دے ہر ساہ اچ زندہ ہے کیوں محبت کڈاہیں وی ختم نیں تھی سگدی میں منیندا ملاقاتاں ختم تھی گئین میں منیندا رستے وی جدا تھی گئین لیکن توں تاں میڈی روح اچ جذب تھی گئی ہے جیڑہی کڈاہیں وی دور نیں تھی سگدی اور شاید سب توں وڈی میڈی ایہا اذیت وی ہے اور محبت وی ؟ کہ تیڈا ثقلو تیڈے کے دور رہ کے وی ہمیشہ ہر وقت تیڈے نال ہوندے از قلم ثقلو لغاری ✍️ - @sssjjj886