@bashasha_tv: DODOMA:Mama mmoja na mtoto wake mwenye umri wa miaka mitatu wamefariki dunia baada ya kujeruhiwa katika ajali ya moto iliyotokea jana jioni, Septemba 3, 2026, katika Kata ya Kizota, Jijini Dodoma. Akithibitisha kutokea kwa tukio hilo, Diwani wa Kata ya Kizota, Jamal Ngalya, amesema chanzo cha moto huo kinadaiwa kuwa ni hitilafu ya umeme iliyotokea katika eneo la fundi wa uchomeleaji (welding). Kwa mujibu wa Ngalya, mama huyo pamoja na mtoto wake walijeruhiwa katika tukio hilo na kukimbizwa katika Hospitali ya Mkoa wa Dodoma kwa ajili ya matibabu, lakini baadaye walifariki dunia wakiwa hospitalini. Kwa upande wake, Kaimu Kamanda wa Jeshi la Zimamoto na Uokoaji Mkoa wa Dodoma, Mrakibu (SF) Rehema Menda, amewashukuru na kuwapongeza wananchi wa Kizota kwa kuwa watulivu na kushirikiana na Jeshi hilo wakati wa zoezi la uokoaji na uzimaji wa moto. Menda amesema ushirikiano wa wananchi ulikuwa muhimu katika kuwezesha shughuli za uokoaji na udhibiti wa moto kufanyika kwa ufanisi. #bashashatvupdates #bashashadigital #bashashamedia

bashasha_tv

Open In TikTok:

Region: TZ

Friday 04 September 2026 06:38:22 GMT