@yadavb458: #fy त्रिशूली–३ ‘ए’ जलविद्युत् आयोजनाको सुरुङबाट उद्धार गरिएका सञ्जय साहले नेपाली सेनाका चिकित्सकसँग भावुक कुराकानी गरेका छन्। उद्धारलगत्तै भएको कुराकानीमा सेनाका चिकित्सकले साहलाई बधाई दिँदै आराम गर्न आग्रह गरेका थिए। चिकित्सकले लामो समयपछि सकुशल बाहिर निस्किन सफल भएको भन्दै यसलाई दोस्रो जीवनजस्तै भएको बताएका थिए। साहले आफू १० गते सुरुङभित्र गएको र १९ गते बाहिरिएको भन्दै करिब नौ दिन सुरुङभित्र बिताएको बताएका छन्। उनले यो आफ्नो ‘दोस्रो जीवन’ भएको भाव व्यक्त गरेका छन्। कुराकानीका क्रममा साहले सुरुङभित्र रहँदा ‘हरे कृष्ण महामन्त्र’ जपेर बसेको बताए। उनले महामन्त्रले निकै काम गरेको महसुस भएको भन्दै भने, ‘हरे कृष्ण महामन्त्र जपेर बसेँ, महामन्त्रले निकै काम गर्दो रहेछ।’