@eatsbymd: ⁨ زبيدي ناشفيل بدون شوك 🔥🐟 اخترت زبيدي صغير الحجم وشلت منه الشوك قدر الإمكان، وبعدها سويت له تغطية مقرمشة وخلطة ناشفيل حارة مع صلصة تارتار على الجنب. خلطة الطحين: • 1 كوب طحين • ½ كوب نشا • 1 ملعقة صغيرة بابريكا • 1 ملعقة صغيرة ثوم بودرة • 1 ملعقة صغيرة بصل بودرة • ½ ملعقة صغيرة فلفل أسود • 1 ملعقة صغيرة بهارات سمك • ملح حسب الحاجة وبماعون ثاني نحط ماي بارد بروحه. نغطي الزبيدي أول شي بخلطة الطحين والنشا والبهارات، بعدها نحطه بالماي بسرعة، ونرده مرة ثانية بخلطة الطحين مع الضغط الخفيف عليه عشان تتكون طبقة مقرمشة، وبعدها نقليه بزيت حار لين يتحمر ويقرمش عدل. خلطة الناشفيل: • 2 ملعقة صغيرة بابريكا • 1 ملعقة صغيرة كايين بيبر • ½ ملعقة صغيرة ثوم بودرة • ½ ملعقة صغيرة بصل بودرة • ½ ملعقة صغيرة فلفل أسود • ½ ملعقة صغيرة بهارات سمك • ½ ملعقة صغيرة سكر بني • رشة ملح نخلط بهارات الناشفيل بماعون، وبعد ما يطلع الزبيدي من القلي ناخذ شوي من الزيت الحار ونصبه فوق البهارات ونحركهم عدل، وبعدها نصب الخلطة فوق الزبيدي أو ندهنه فيها وهو حار. صلصة التارتار: • ½ كوب مايونيز • ¼ كوب كريمة حامضة • 2 ملعقة طعام ريليش • 1 ملعقة صغيرة خردل • 1 ملعقة صغيرة عصير ليمون • ½ ملعقة صغيرة شبنت مجفف • ½ ملعقة صغيرة سكر • رشة فلفل أسود • رشة ملح نخلط كل مكونات التارتار مع بعض ونخليها تبرد شوي بالثلاجة قبل التقديم⁩ #عليكم_بالعافية #fyp #حكوكة

محمد دشتي

Open In TikTok:

Region: KW

Friday 04 September 2026 06:55:57 GMT