Біздің телеграмнан құпия жаңалықтарды оқыңыз. Сілтеме парақшада тұр👆 Қазақстандықтар Қытай шекарасында сақал қойған ер азаматтарға қатысты талап күшейгенін айтып шағымданды. Бұл туралы Шыңғыс Құдайбергенов әлеуметтік желіде мәлімдеді. Оның сөзінше, Қытайға кіреберісте ер адамдардан сақалын толық қырып тастауды сұраған. Тіпті сақал қыру процесі бейнежазбаға түсірілген. Құдайбергеновтің айтуынша, ол блогер екенін түсіндіріп, сақалын толық емес, жартылай ғана қыруға келіскен. Ал өзге азаматтардан сақалды толығымен алып тастау талап етілген. Сонымен қатар шекарада Қытайға кіретін адамдардың ұялы телефондары да тексерілуі мүмкін. Айтылған жағдай Қорғас маңында болған. Бұл өңірде бұған ұқсас жағдайлар бұған дейін де тіркелген. Алайда Қытай билігі ел аумағына кіретін барлық тұрғындар мен туристерге сақал қоюға тыйым салынғанын ресми түрде хабарлаған жоқ. Дегенмен Шыңжаң-Ұйғыр автономиялық ауданында сыртқы келбетке қатысты қатаң талаптар бірнеше жылдан бері бар. Атап айтқанда, діни экстремизмнің белгісі ретінде бағаланатын «шамадан тыс ұзын» немесе «экстремистік» сақалдарға шектеу қойылған. Жергілікті билік мұндай шараларды қауіпсіздікті қамтамасыз ету және радикалданудың алдын алу мақсатында енгізгенін түсіндіреді. - @jasalash.kz