#တစ်ဖက်လူက ဂရုမစိုက်ချင်တော့တဲ့အခါ မအားတတ်လာတတ်ကြတယ်... အရင်တုန်းကတော့ ခင်ဗျားတို့ရဲ့ ဆက်ဆံရေးမှာ အချိန်ဆိုတာ ပြဿနာမဟုတ်ခဲ့ပါဘူး။ ညဉ့်နက်သန်းခေါင် ဘယ်လောက်ပဲ အိပ်ရေးပျက်ပျက်၊ မနက်ခင်း အလုပ်တွေ ဘယ်လောက်ပဲ ပင်ပန်းပင်ပန်း... ကိုယ့်အတွက်ဆိုရင် သူတို့မှာ အမြဲတမ်း အချိန်တွေ ပိုလျှံနေတတ်ပါတယ်။ ဖုန်းတစ်ချက်မြည်တာနဲ့ ချက်ချင်းကိုင်တတ်ကြပြီး၊ စာတစ်စောင်ဝင်လာတာနဲ့ စက္ကန့်ပိုင်းအတွင်း ပြန်စာပို့တတ်ကြတဲ့ အဲဒီအချိန်တုန်းက သူတို့ရဲ့ "အားလပ်ချိန်" ဆိုတာ ခင်ဗျားအတွက် သက်သက် ဖြစ်နေခဲ့တာပေါ့။ ဒါပေမဲ့… အချို့သော အပြောင်းအလဲတွေက အသိပေးနှိုးဆော်ခြင်းမရှိဘဲ ရောက်လာတတ်ပါတယ်။ တစ်နေ့ကျတော့ အချစ်တွေ တစိမ့်စိမ့် လျော့ပါးလာတယ်၊ ဂရုစိုက်မှုတွေ မှေးမှိန်လာတယ်။ အဲဒီအခါမှာတော့ အရင်က မရှိခဲ့ဖူးတဲ့ အကြောင်းပြချက်တွေက မှိုလိုပေါက်လာတော့တာပါပဲ။ မချစ်ချင်တော့တဲ့အခါ… သူတို့မှာ အမြဲတမ်း အကြောင်းပြချက်ကောင်းတွေ အသင့်ရှိနေတတ်ပါတယ်။ "အလုပ်တွေ ရှုပ်နေလို့ပါ၊" "ဒီရက်ပိုင်း အရမ်းပင်ပန်းနေလို့ပါ၊" "ဦးနှောက်တွေ ခြောက်နေလို့ပါ" ဆိုတဲ့ စကားလုံးတွေက သူတို့ရဲ့ ပါးစပ်ဖျားမှာ အမြဲလိုလို အသင့်ရှိနေတတ်တဲ့ အသုံးအနှုန်းတွေ ဖြစ်လာပါတယ်။ အရင်က ဘယ်လောက်ပဲ အလုပ်ရှုပ်ရှုပ် ကိုယ့်အတွက် အချိန်ပေးနိုင်ခဲ့တဲ့သူက, အခုတော့ မက်ဆေ့ခ်ျလေးတစ်စောင် ဖတ်ဖို့တောင် အချိန်မပေးနိုင်လောက်အောင် ရုတ်တရက်ကြီး အလုပ်တွေ များလာတတ်ကြတယ်။ အဲဒီထက် ပိုဆိုးတာကတော့ "အိပ်ချင်လာတာ" ပါပဲ။ စကားပြောနေရင်းနဲ့၊ စာတွေ အပြန်အလှန် ပို့နေရင်းနဲ့မှ ရုတ်တရက်ကြီး "ငါ အရမ်းအိပ်ချင်လာပြီ၊ မနက်မှ ဆက်ပြောရအောင်နော်" ဆိုတဲ့ စကားတစ်ခွန်းနဲ့ စကားစမြည်ပြောဆိုမှုကို ဖြတ်တောက်လိုက်ကြတာပါပဲ။ တကယ်တမ်းတော့ သူတို့ အိပ်ချင်နေတာက ကိုယ့်ကို မချစ်ချင်တော့လို့၊ ကိုယ့်ကို ဆက်ပြောဖို့ စိတ်မပါတော့လို့ ဆိုတာကို ကိုယ်တိုင်က ကောင်းကောင်းကြီး ခံစားမိနေတတ်ပါတယ်။ တခြားလူတွေနဲ့ အွန်လိုင်းပေါ်မှာ တဝုန်းဝုန်း ရှိနေသေးတာကို အမှတ်မထင် မြင်လိုက်ရတဲ့အခါမျိုးမှာ ကိုယ့်အတွက်မှ အိပ်ချင်ယောင်ဆောင်တတ်တဲ့ သူတို့ရဲ့ ရုပ်သဏ္ဌာန်က ပိုလို့တောင် ရင်နာစရာ ကောင်းနေပါသေးတယ်။ တကယ်တော့ လူတစ်ယောက်ကို ချစ်နေသေးချိန်မှာ အိပ်ရေးပျက်ခံဖို့ ဝန်မလေးကြပါဘူး။ မနက်ဖြန် အလုပ်သွားရမယ်ဆိုတာ သိလျက်နဲ့တောင် ကိုယ့်နဲ့ စကားပြောချင်ဇောနဲ့ မျက်လုံးအစုံကို အတင်းဖွင့်ထားပေးတတ်ကြတာပါပဲ။ ဒါပေမဲ့… မချစ်ချင်တော့တဲ့အခါ၊ အတူရှိရမယ့် အချိန်တွေက သူတို့အတွက် ဝန်ထုပ်ဝန်ပိုးတစ်ခုလို ဖြစ်လာတဲ့အခါကျတော့မှသာ အိပ်ရာဝင်ချိန်တွေက စောလွန်းနေတတ်ပါတော့တယ်။ မအားတတ်တာက အကြောင်းပြချက်တစ်ခု ဖြစ်လာပြီး၊ အိပ်ချင်လာတာက ထွက်ပေါက်တစ်ခု ဖြစ်လာတဲ့အခါ... အဲဒီဆက်ဆံရေးရဲ့ သက်တမ်းက ကုန်ဆုံးတော့မယ်ဆိုတာကို သဘောပေါက်ဖို့ လုံလောက်ပါပြီ။ ဖမ်းဆွဲထားလေ၊ ကိုယ့်လက်တွေ ပိုနာကျင်ရလေဆိုတာ သိပေမဲ့၊ အချစ်ကို ရိုးသားခဲ့ဖူးသူတိုင်းကတော့ အဲဒီလို အကြောင်းပြချက်တွေကြားမှာ ရုန်းကန်ရင်း အသံတိတ် ငိုကြွေးနေရစမြာပါပဲ။#ကော့သောင်းသား💫💕 #fypပေါ်ရောက်စမ်း😒👊🏻မရောက်လည်းနေ🥴 - @ko.nine193