او شخص شاید دنیا دا سب توں تھکیا ہویا مسافر ہوندے جیڑہا ساری زندگی لوکیں دے تعنے سنڑدا رہ گیا ہووے جیڑہا ہر کہیں کوں اپنڑے ہوونڑ دا ثبوت ڈیندا رہ گیا ہووے اور تعلق دے دروازے تے دستک ڈیندا رہ گیا ہووے لیکن افسوس ہر دفعہ اوکوں خاموشی اور بے رخی ملی ہووے او محبت نیں منگدا صرف تھوڑی جتنی توجہ چاہندے او اے چاہندے کہ اوکوں وی کوئی سمجھے لیکن افسوس اوندی وفاداری سچائی اور درد کہیں کوں ڈکھائی نیں ڈیندا وقت گزردا ویندے اور اوندے دل اچ جمع ہوونڑ آلی اداسی آخر کار ہک خاموش بوجھ بنڑ ویندی ہے ولا ہک وقت ایجھا آندے جڈاں او شکایتاں کرنڑ وی ہمیشہ کیتے چھوڑ ڈیندے ایں وجہ کے نیں جو زخم بھریج گئین بلکہ ایں وجہ کے او زخمیں دے نال جیونڑ سکھ ویندے اوندے بعد او ہر آونڑ آلے ڈیہوار اچ کہیں کے کوئی امید نیں رکھدا او بس اتنا چاہندے کہ زندگی دا باقی سفر اچ سکون سچائی اور چند مخلص لمحے گزارنڑ کیتے مل ونجن کیونکہ کڈاہیں کڈاہیں انسان کوں محبت کے زیادہ ہک اینجھی جاہ دی ضرورت ہوندی ہے جتھاں بار بار خود کوں ثابت نہ کرنڑا پووے اور شاید سب توں وڈا تھکیڑہ وی ایہو ہے کہ انسان ساری عمر اپنڑا پن تلاش کریندے کریندے آخر تیں اپنڑی خاموشی دا سہارا ونج گھندے💔🥺 تحریر لکھت از قلم ثقلو لغاری ✍️ - @saqloleghari2