@ollamedia1: Wararka laga helayo degmada Doolow ee gobolka Gedo ayaa sheegaya in abaare 11:00 habeenimo uu qarax xooggan ka dhacay degmada, kaddib markii duqeyn lala beegsaday guri uu deggenaa Taliyihii hore ee Ciidanka Asluubta Soomaaliya, Mahad Cabdiraxmaan Aadan, oo loo yaqaanay Taliye Shub. Jugta culus ee ka dhalatay duqeynta ayaa laga maqlay deegaanno badan, oo ay ka mid yihiin Mandera, Beledxaawo iyo Suufta, kuwaas oo ku dhow goobta dhacdadu ka dhacday. Wararkii ugu horreeyay ayaa sheegayay in guriga Taliye Shub lagu dhuftay hal gantaal. Wiilka Taliye Shub ayaa xaqiijiyay in aabihiis uu ka badbaaday duqeynta, hase yeeshee uu soo gaaray dhaawacyo fudud, iyadoo xaaladdiisa caafimaad lagu soo warramayo inay wanaagsan tahay.