CAMBAARAYN | WEERARKII LAGU QAADAY GENERAL MAHAD ABDIRAHMAAN (SHUB) Waxaan si adag u cambaaraynayaa falka gardarrada iyo shirqoolka ahaa ee la sheegay in lagu khaarijin rabay General Mahad (Shub), kaas oo xalay lala beegsaday fal halis ah. Waxaan General-ka Alle uga baryayaa caafimaad degdeg ah iyo soo kabasho buuxda, waxaana murugada iyo dhibaatada kasoo gaartay falkaas la qaybsanaynaa isaga, qoyskiisa iyo ehelkiisaba. Waa arrin aad looga xumaado in kala aragti duwanaanshaha siyaasadeed ama fikirku uu isu beddelo rabshad, cabsi-gelin iyo isku day lagu waxyeelleynayo qofka kaa aragtida duwan. Khilaafaadka siyaasadeed waa in lagu xalliyo wada-hadal, sharci iyo hannaan nabadeed, ee aan lagu xallin gacan ka hadal iyo khaarijin. Falkan, haddii ay xaqiijiso baaristu, wuxuu noqonayaa fal dembiyeed aad u culus, waxaana muhiim ah in si madax-bannaan oo hufan loo baaro, cid kasta oo ku lug yeelatana sharciga lala tiigsado. Waxaan Alle uga rajaynaynaa General Mahad Abdirahmaan caafimaad iyo nabadgelyo, waxaana ugu baaqaynaa dhammaan dhinacyada inay ka fogaadaan fal kasta oo sii hurin kara colaadda iyo kala qaybsanaanta bulshada. Alle ha badbaadiyo, caafimaad degdeg ahna ha siiyo General-ka. - @watar777