@kuwaittamilan4: குவைத்தில் அரசு வாகனங்களுக்கான டீசல் திருட்டு; 41 பேர் அதிரடி கைது..! குவைத்தில் அரசு மற்றும் தனியார் நிறுவனங்களின் வாகனங்களுக்கு ஒதுக்கப்பட்ட டீசலை திருடி, சேமித்து வைத்து சட்டவிரோதமாக விற்பனை செய்து வந்த கும்பலை குற்றப்புலனாய்வுத் துறை அதிரடியாக பிடித்துள்ளது. விசாரணையில், சில ஓட்டுநர்கள் தங்களுக்கு ஒப்படைக்கப்பட்ட வாகனங்களில் இருந்து நிறுவனங்களுக்குத் தெரியாமல் டீசலை திருடி, அம்கரா பகுதியில் உள்ள ஒரு இடத்திற்கு கொண்டு சென்று, அங்கு டேங்கர்களில் சேமித்து வந்தது தெரியவந்தது. டீசலை சேமிக்க பயன்படுத்தப்பட்ட டேங்கர்களை மாதம் 1,600 குவைத் தினார் வாடகைக்கு வழங்கிய குவைத் குடிமகன் ஒருவரும் கைது செய்யப்பட்டுள்ளார். முக்கிய குற்றவாளிகள் வாகனத்தில் இருந்து டீசல் எடுக்கும்போது கையும் களவுமாக பிடிபட்டனர். மேலும், திருடப்பட்ட டீசலை வாங்கியவர்களும் கைது செய்யப்பட்டனர். இந்த வழக்கில் மொத்தம் 41 பேர் கைது செய்யப்பட்டதுடன், அரசு மற்றும் தனியார் நிறுவனங்களுக்கு சொந்தமான 38 வாகனங்கள் இதில் தொடர்புடையது கண்டறியப்பட்டுள்ளது. திருடப்பட்ட டீசல், அம்கராவில் 1,000 லிட்டருக்கு 90 தினார் என்ற விலையில் தொடங்கி, இடைத்தரகர்களிடம் 115 தினாருக்கும், இறுதியாக குவைத்தில் உள்ள பல்வேறு திட்டங்களுக்கு போக்குவரத்து மற்றும் விநியோகச் செலவுகள் உட்பட 130 தினாருக்கும் விற்பனை செய்யப்பட்டதாக விசாரணையில் தெரியவந்துள்ளது. கைது செய்யப்பட்டவர்கள் தங்களது பங்கிற்கு ஏற்ப குற்றத்தை ஒப்புக்கொண்ட நிலையில், சட்ட நடைமுறைகள் முடிக்கப்பட்டு சம்பந்தப்பட்ட அதிகாரிகளிடம் ஒப்படைக்கப்பட்டுள்ளனர். (Source:-moi_kuw) #Kuwait #kuwaitnews #kuwaittamilan #KuwaitTamilNews

kuwaittamilan

Open In TikTok:

Region: KW

Friday 04 September 2026 14:39:02 GMT