@husseinf_: جنة صغار نكعد وكت الغروب بباب الدار ننطر جية أبونه يرجع مبتسم بس وجهه متعوب ومن يشفانه تضحك عيونه يجي محمّل فرح أشكال وألوان وتظل تتلوم بيه أمنا الحنونة تعبك هذا تعبك لا يا بو فلان تتعب والجهال يضيعونه لكن يبتسم ودموعه بالعين ويكل لأمي التعب يستاهلونه هذوله حزام ظهري بساعة الضيج والج بشدة يا أم فلان عونه أبونا على جتافه صغار وكبار لعبنا سنين ما تعبن متونه يلبسنا حرير وهو محروم وقميصه من التعب مكلوب لونه وأذكر لو لعبنا الوالدة تصيح أبوكم نايم لا تفززونه لحد اليوم صدك من اسمك نخاف ونجل اسمك يا والدنا ونصونه يهنياله السعدك واليرضيك برضاك الجنة ندخلها يا أبونه أبونا بدنيته ما يوم مرتاح الدنيا ويا صعبة وما يملها تعب جاه وعطش ما دنّك الراس ولا رخص ركبته ومره ذلها صلب رجل بوسط محنته يكون وكل صعب اليمر بإيده يحلها بس أضعف رجل بالعائلة يصير إذا أمي المرض مرة وصلها أمي شكد تحبه وشكد تداريه مدللها الجبير وهوه خِلها بس لو غضب مرة ولأمي يندار ترجف خوف من يباوع إلها أبونا من المصايب يحمل أشكال ولا يحمل عتب أمي وزعلها عنده المهم يتعب وإحنا نرتاح وأبد منّة أحد ما حملها علّمنا الولد عون أهله بالضيج ومحبة أهلك ترة تموت لأجلها وجيرانك أعز من أختك تصير وأغلى من نظر عينك خجلها يرجع ظهره محني وجدمه تعبان وتتلقاه أمي ويضحك إلها وقبل ما توصله وتسلم عليه الله يساعدج هو يكلها رقيق وقلبه دافي وطبعه محبوب أبونا يغرّك العالم حنانه ما يرتاح قلبه وعينه ما تنام إذا ما نام كل واحد مكانه وإذا لحظة نتأخر خارج البيت يقلق والدي ويطلع ورانه وتلومه الوالدة وتريده يرتاح ويكلها برقبتي ذوله أمانة #عادل_محسن #fyp #شعر #شعراء_وذواقين_الشعر_الشعبي #حسين_فاخر

حُسَيْن فََاخِر

Open In TikTok:

Region: IQ

Friday 04 September 2026 17:10:02 GMT