ဒီနေ့ဟာ ရမ်ချို၊ ဖာဟန်နဲ့ ရာဂျူးတို့သုံးယောက်ကို ချာတူးက ဒေါသအိုးပေါက်ကွဲပြီး “နောင်အနာဂတ်မှာ ဘယ်သူက အသာဆုံးဖြစ်နေမလဲ” ဆိုတဲ့ Challenge လေး စတင်ခဲ့တဲ့ ၁၇ နှစ်ပြည့်တဲ့နေ့လေးပါ။ ဒီနေရာမှာ ချာတူးကို လူအများစုက ဘာကြောင့်ဒီလောက်မုန်းကြတာလဲဆိုတာ ကျွန်တော် သိပ်နားမလည်ဘူး။ ဒါပေမဲ့ For me personally ဆိုရင်တော့ ချာတူးဆိုတဲ့ကျောင်းသားဟာ တခြားနေရာတွေမှာ အကျင့်မကောင်းတာတွေ ရှိကောင်းရှိနိုင်ပေမဲ့ သူ့ဘဝမှာတော့ အနည်းဆုံး ရှင်းလင်းတဲ့ ရည်မှန်းချက်တစ်ခုရှိခဲ့တယ်။ “ရမ်ချိုထက်သာအောင် လုပ်မယ်” ဆိုတဲ့ ရည်မှန်းချက်ပေါ့။ သူက ရမ်ချိုလောက် ပါရမီမရှိဘူး။ ဒါပေမဲ့ ရမ်ချိုကိုတော့ ဘယ်တော့မှ ကြောက်မနေခဲ့ဘူး။ အဲ့ဒီလို ချာတူးဆီကနေ ကျွန်တော်တို့ သင်ယူလို့ရတဲ့အရာတစ်ခုကတော့ “ကိုယ့်ကိုယ်ကို ယုံကြည်မှုရှိဖို့” ဆိုတာပါပဲ။ ဟုတ်တယ်၊ ချာတူးက သူ့ကိုယ်သူ Show off လုပ်တာ၊ ကြွားဝါတာတွေ အရမ်းများတယ်။ အဲ့ဒီအကျင့်တွေ မရှိခဲ့ဘူးဆိုရင်တော့ ချာတူးဟာ အတုယူစရာကောင်းတဲ့ Character တစ်ယောက်တောင် ပိုဖြစ်လာနိုင်မယ်ထင်တယ်။ Self-confidence, Hardworking, Indomitable Spirit (အနိုင်မခံ အရှုံးမပေးလိုစိတ်) စတဲ့အရာတွေကိုလည်း ချာတူးဆီကနေ သင်ယူနိုင်တာပဲလေ။ ဒီနေ့က ချာတူးရဲ့နေ့လေးဖြစ်လို့ ချာတူးအကြောင်းကို နည်းနည်းပိုပြီး အမွှန်းတင်ပြောနေတာပါ။ ဒါပေမဲ့ သင်ခန်းစာတွေက ချာတူးတစ်ယောက်တည်းဆီက ရတာတော့ မဟုတ်ပါဘူး။ 3 Idiots ဆိုတဲ့ ဇာတ်ကားလေးထဲမှာ ကျွန်တော်တို့ သင်ယူစရာတွေ အများကြီးရှိပါတယ်။ တက္ကသိုလ်မှာ ပညာသင်ယူရုံတင်မကဘဲ မိသားစုဝင်တွေလို ဖြစ်လာမယ့် သူငယ်ချင်းကောင်းတွေကိုလည်း ရှာတွေ့နိုင်တယ်ဆိုတာ သင်ပေးခဲ့တဲ့ ရာဂျူး။ ဝင်ငွေကောင်းဖို့တစ်ခုတည်းကို မလိုက်ဘဲ ကိုယ့်ကို နေ့တိုင်းပျော်ရွှင်စေမယ့် အလုပ်မျိုးကို ရွေးချယ်လုပ်သင့်တယ်ဆိုတာ လမ်းပြပေးခဲ့တဲ့ ဖာဟန်။ ဘဝဆိုတာ အပြေးပြိုင်ပွဲတစ်ခုလိုပဲ။ မင်းက မြန်မြန်မပြေးရင် ချနင်းခံရလိမ့်မယ်ဆိုတဲ့ အတွေးအခေါ်ကို သူ့ဘဝနဲ့ရင်းပြီး သင်ပေးခဲ့တဲ့ ကျောင်းအုပ်ကြီး Virus။ ကျောင်းသားတစ်ယောက်ရဲ့ ပြဿနာတွေဟာ ဘယ်လောက်ထိ စုပုံလာနိုင်ပြီး မခံမရပ်နိုင်တဲ့အခြေအနေမှာ လွတ်မြောက်ရာလမ်းအဖြစ် Suicide ကိုတောင် ရွေးချယ်သွားနိုင်တယ်ဆိုတာ သတိပေးပေးခဲ့တဲ့ Joy Lobo။ ရင်ဆိုင်နေရတဲ့ ပြဿနာက ဘယ်လောက်ပဲကြီးမားနေပါစေ ကိုယ့်နှလုံးသားထဲမှာ “All is well — အရာအားလုံး အဆင်ပြေသွားမှာပါ” ဆိုတဲ့စကားလေးကို ထပ်ခါထပ်ခါ ပြောပေးဖို့ သင်ပေးခဲ့တဲ့ ရမ်ချို။ ဒါတွေကတော့ ကျွန်တော် 3 Idiots ဇာတ်ကားလေးထဲကနေ သင်ယူခဲ့ရတဲ့ အဖိုးတန်သင်ခန်းစာလေးတွေပေါ့။ ဘာရယ်မဟုတ်ပါဘူး။ ဒီနေ့ကလည်း ဒီဇာတ်ကားလေးနဲ့ ပတ်သက်ပြီး မမေ့နိုင်စရာ Memorable Day လေးတစ်ခု ဖြစ်နေလို့ပါ။ September 5 ဆိုတဲ့ ကျောင်းခေါင်မိုးပေါ်က အမှတ်အသားလေးတစ်ခုကြောင့် ၁၆ နှစ်ကြာပြီးတဲ့နောက် သူတို့အားလုံးကို နောက်တစ်ကြိမ် ပြန်အမှတ်ရမိရင်း— ကျွန်တော်တို့နိုင်ငံအတွက်လည်း ရမ်ချိုရဲ့ စကားလေးတစ်ခွန်းကို လက်ဆောင်ပါးချင်ပါတယ်။ “All is well.” ❤️ အရာအားလုံး အဆင်ပြေသွားမှာပါ။ #sep5 #3idiots #viral #trend #fyp - @learnwithtrphillips