@almiey.miey: Kena ke 15 haribulan 7 tu tadi, arung jam 7 lalu lemai. Laban ke benung bebasu kerita ba tanju rumah, petunggal aku ngau menyadi ya siku da tak ninga utai besemiup terebai ba ruai kami serumah. Maya tu bala kami diri serumah endang nadai diau di ruai, laban berintu utai di dalam bilik diri empu. Ninga utai munyi nya, seduai lalu nilik ke ruai, ba dia meh seduai ya tepeda ke siku burung, ia nya burung Puk tak benung terbai niti ruai. burung tu endang dijangka masuk ari pintu setak ili, ari mua pun jalai. laban maya nya pintu nya aja ke enda di tutup. semua pintu bukai ditutup magang ga maya nya. Nyadi kenu ko seduai ya, burung tu ta ngerejang ari stak ili ke stak ulu. udah nya, ya ngerejang baru ari stak ulu pulai kili. Ka tangkap seduai ya, enda ga ulih jam nya. Ba penemu serta pengarap kitai Bansa Iban kelia, Kelimpah Ari jelu baka kijang, rusa, ikan ke idup ayan di ruai, serta jelu bukai. Burung tu mega burung ya ke Mali serta enda manah Niki rumah. Laban ya ukai Tama bilik siku antara diri serumah, ya ngai nyadi di intu kitai Kediri, kitai nengali ya. Bai ya udah ngerejang rumah 2 Kali, kulu Kili di ruai. Kira ke ka sekayu rumah meh ngintu ya enggau cara 'ulo' ti orang ke miring. Sapa ke sembahyang, sembahyang meh kami serumah maya nya. Nitih pengarap diri empu. Senentang tu, ti utai baka nya udah nyadi ba rumah panjai, ya tau ngasuh "rumah angat". Ambi orang ya ke enda kala nemu reti "rumah angat".Nyadi konteks "rumah angat" tu ia nya, ba rumah panjai nya deka mayuh orang ninggal. Kira ke enda ngetu meh bisi Rabat rumah nya, udah siku, siku ga, betampung ngau ulit ama udah ka, pia ya ti enda di intu. Ti utai baka tu baru udah nyadi, kelia. Kekadang, ditinggal ke sida dulu rumah, bemalam ba tanah orang. Kira dalam 3 hari kini. Dikumbai jaku Iban munya disebut sida aki ko apai, pengawa nya disebut "mambut" nama ya. Pengawa tu, Ninggal ke rumah dulu. Anang nganti bala beterekai ninggal baru kitai ngintu, ya. Ti utai enda manah nya udah nyadi ndar, enda entu alah diintu ngau dipenti ke agi ya.. Sema ya ulih di intu pen ya Deka nguna mayuh macam perengka. Nya mh pemali ya. Semina ti rumah dikiti darah aja enda ibuh ninggal ke rumah. Tiki darah tu, ia nya sema, baka diri sebilik nadai ga apa nama, telih apa semua. Tang darah betekang tekang di rumah enda temu ari nie penatai. Kira ke intu ngena cara piring aja ya, enda lebih Ari piring turun 7 enggau 5. Nya di padah Apai la. Tang barang sapa ke lebih nemu ngau silik senentang tu, tau ga nambah enggau ngemetul ka sekeda buah penemu ti ditulis aku dia. Engka cara bisi enda sama, Tau ga madah nelah cara intu di menua kita ambi kitai sama macha sereta Bekunsi penemu ke manah ba endur kumen ke di baruh nya.. terima kasih udah macha sampai ujung, Khas ke ya ti rindu macha sereta rindu ka nemu utai ti enda kala ditemu. Terima kasih memayuh Ari aku. #CulturalHeritage #fbprofesional #anakiban

almiey miey

Open In TikTok:

Region: MY

Saturday 05 September 2026 00:44:48 GMT