@user5267433128467: ကုန်မှာကြောက်လို့ မလှူပဲမနေနဲ့ ​ကုန်မှာကြောက်လို့ မလှူလို့ရှိရင် အဲ့ဒီကုန်ခြင်းတရားဟာ ကိုယ့်ဆီရောက်မယ်။ မြတ်စွာဘုရားကိုယ်တိုင်က "ဒါနသမ္ဘူတာ ဘောဂါ" — လူတွေဒီကနေ့ အသုံးပြုနေကြတဲ့ ပစ္စည်းဥစ္စာတွေဟာ ဒါနဆိုတဲ့ ကုသိုလ်ကံက ဖန်တီးပေးလို့ သုံးစွဲနေကြတာလို့။ သို့သော် သာမန်အားဖြင့် လူတွေက ထင်လိမ့်မယ် — ကိုယ်ကိုယ်တိုင် နေ့မနား ညမအား ရှာကြံထားလို့ ရတာပါ၊ ဒါနကောင်းမှုကြောင့် မဟုတ်ပါဘူးလို့ ငြင်းတဲ့လူ ရှိကောင်းရှိလိမ့်မယ်။ ​သို့သော် စဉ်းစားကြည့်ဖို့ရာ— လောကလူတွေ အားလုံးဟာ ရှာနေကြတာ။ ကိုယ့်မြို့ ကိုယ့်ဒေသ ရှာလို့ အားမရလို့ ဖားကန့်တက်ပြီးတော့ ရေမဆေးကျောက် ရှာနေတာတွေ တွေ့တယ်မလား။ ရှာတဲ့လူတိုင်း ရရဲ့လား။ (မရပါဘူးဘုရား)။ အေး... အရောင်းအဝယ်ကိစ္စပဲ ဖြစ်ဖြစ်၊ ဘာပဲဖြစ်ဖြစ် လုံ့လဝီရိယ စိုက်ထုတ်တိုင်း ရရဲ့လားဆိုတော့ မရဘူး။ ဒါကြောင့်မို့ ရတယ်ဆိုတဲ့လူတွေဟာ ဘယ်သူက ပေးတာတုံးဆိုရင် ဒါနကောင်းမှုကြောင့်။ ​မလှူဘူး၊ မတန်းဘူး၊ မစ္ဆရိယတရားတွေ လွှမ်းခြုံထားမယ်ဆိုလို့ရှိရင် အဲ့ဒီပုဂ္ဂိုလ်ဟာ ဆင်းရဲမှာကြောက်လို့၊ ပစ္စည်းကုန်မှာကြောက်လို့ မလှူလို့ရှိရင် အဲ့ဒီမလှူခြင်းကြောင့် သူကြောက်တဲ့ ဆင်းရဲဒုက္ခ သူ့ဆီ ရောက်လာမယ်လို့ ဒီလိုဟောထားတယ်နော်။ သူကြောက်တဲ့ဟာ သူ လက်ခံနေသလိုဖြစ်တယ်။ ​မြတ်စွာဘုရားက "ယဒါ ကမ္မက္ခယော ဟောတိ၊ သဗ္ဗံ မိတ္တံ ဝိနဿတိ" — ကံကုန်သွားပြီဆိုရင် အားလုံး ပျက်စီးတယ်။ သာဝတ္ထိက သူဌေးတစ်ယောက်ဆိုရင် အင်မတန် ချမ်းသာလို့ ဘဏ္ဍာတိုက်ထဲမှာ ရွှေချောင်းတွေ သိမ်းထားတာ၊ ကံကုန်သွားပြီဆိုတော့ ရွှေချောင်းတွေက မီးသွေးဖြစ်သွားတာ။ #ဗုဒ္ဓံသရဏံဂစ္ဆာမိပါဘုရား #buddha #ဗုဒ္ဓဘာသာအမွေထွန်းလင်းနိုင်ပါစေ🙏🙏🙏 #buddhism

ဗုဒ္ဓ မြတ်ဘုရား၏ တရားတိုများ

Open In TikTok:

Region: MY

Saturday 05 September 2026 02:51:55 GMT