@third.planet6: ‎አማርኛ ቋንቋ ከኢትዮጵያ አልፎ በዓለም ዩኒቨርሲቲዎች እየነገሰ ነው! ‎ ‎ አማርኛ ቋንቋ በኢትዮጵያ ብቻ የሚነገር ቋንቋ ሳይሆን፣ በዓለም ዙሪያ በሚገኙ የከፍተኛ ትምህርትና የምርምር ተቋማት የሚሰጥና የሚጠና ቋንቋ መሆኑ ተገለጸ። ‎ ‎በተለያዩ አገራት የሚገኙ ዩኒቨርሲቲዎች አማርኛን በኢትዮጵያ ጥናት፣ በአፍሪካ ጥናትና በሴማዊ ቋንቋዎች መርሃ ግብሮች ውስጥ ያስተምራሉ። ‎ ‎ይህም ቋንቋው ከአገር ውስጥ አጠቃቀም ባለፈ የዓለም የጥናትና የምርምር ትኩረት እንዳለው ያሳያል። ‎ ‎ከሚጠቀሱት ተቋማት መካከል በጀርመን የሃምቡርግ፣ ፍራንክፈርትና ላይፕዚግ ዩኒቨርሲቲዎች፣ በጣሊያን የናፖሊ “L’Orientale” እና የሮም ሳፒየንዛ ዩኒቨርሲቲዎች፣ በእንግሊዝ የለንደን SOAS እና በፈረንሳይ INALCO ይገኙበታል። ‎ ‎በአሜሪካም ሃርቫርድ፣ ኮሎምቢያ፣ ስታንፎርድ፣ ኢንዲያና፣ ፍሎሪዳ እና ሚቺጋን ስቴት ዩኒቨርሲቲዎች አማርኛ ከሚማርባቸው ተቋማት መካከል ይጠቀሳሉ። ‎በተጨማሪም በሩሲያ፣ እስራኤል፣ ጃፓን፣ ቻይና፣ ፖላንድ፣ ኬንያ፣ ጂቡቲና ደቡብ አፍሪካ በሚገኙ የተለያዩ የቋንቋና የአፍሪካ ጥናት ተቋማት አማርኛ ቋንቋ የሚሰጥባቸው እድሎች አሉ። ‎ ‎አማርኛ የኢትዮጵያ ቋንቋ ብቻ ሳይሆን፣ የዓለም የእውቀት፣ የጥናትና የምርምር አካል መሆኑን ይህ መረጃ ያሳያል። @amhara_education

@Third Planet

Open In TikTok:

Region: ET

Saturday 05 September 2026 04:31:05 GMT