مگر پھر بھی اُس کے دل میں اپنی جگہ کے بارے میں مطمئن نہیں ہو پاتا۔ سال گزر جاتے ہیں، ساتھ بہت سی یادیں بن جاتی ہیں، ایک دوسرے کی عادت ہو جاتی ہے، اور انسان یہ سمجھنے لگتا ہے کہ اب شاید یہ رشتہ ہمیشہ کے لیے ہے۔ مگر پھر کبھی کسی چھوٹی سی بات سے احساس ہوتا ہے کہ آپ اُس شخص کے لیے اتنے ضروری نہیں جتنے وہ آپ کے لیے ہے۔ یہ احساس بہت عجیب ہوتا ہے۔ کیونکہ آپ اُس کے ساتھ اپنا ماضی دیکھ رہے ہوتے ہیں، مگر اُسے شاید آپ کے ساتھ اپنا مستقبل نظر ہی نہیں آ رہا ہوتا۔ آپ سوچتے ہیں: "اتنا وقت ساتھ گزارنے کے بعد بھی کیا میں صرف ایک option ہوں؟" اور شاید محبت کی سب سے بڑی تکلیف یہی ہے کہ آپ کسی کے لیے اپنی پوری دنیا بن جائیں، مگر وہ آپ کو اپنی دنیا میں ایک متبادل سے زیادہ جگہ نہ دے۔ پھر انسان خود سے سوال کرتا ہے کہ آخر کمی کہاں تھی؟ خلوص میں؟ محبت میں؟ وفاداری میں؟ یا شاید مسئلہ یہ تھا کہ ہم نے اُس شخص کو اُس سے زیادہ اہمیت دے دی جتنی وہ ہمیں دینا چاہتا تھا۔ لیکن ایک بات یاد رکھنا… کسی کی زندگی کا سب سے لمبا حصہ بن جانا اس بات کی ضمانت نہیں کہ آپ اُس کی آخری منزل بھی ہوں گے۔ کچھ لوگ ہماری زندگی میں بہت دیر تک رہتے ہیں، مگر پھر بھی ہمارے نہیں ہوتے۔ اور کبھی کبھی انسان کو یہ قبول کرنا پڑتا ہے کہ اُس نے جس رشتے کو اپنی منزل سمجھا تھا، سامنے والا اُسے صرف ایک راستہ سمجھ رہا تھا۔ اس لیے اگر کبھی آپ کو کسی کے ساتھ رہتے ہوئے بھی یہ خوف محسوس ہو کہ وہ آپ کو چھوڑ کر کسی اور کو چُن سکتا ہے، تو اُس خوف کو نظرانداز مت کرنا۔ جس رشتے میں آپ کو اپنی جگہ کے لیے بار بار یقین مانگنا پڑے، وہاں شاید آپ محبت میں نہیں… انتظار میں جی رہے ہوتے ہیں۔ اور محبت میں سب سے بڑی ہار یہ نہیں کہ کوئی آپ کو چھوڑ دے… سب سے بڑی ہار یہ ہے کہ آپ برسوں کسی کے ساتھ رہ کر بھی اُس کے دل میں اپنے مستقل ہونے کا یقین حاصل نہ کر سکیں۔ ❤️‍🩹🥀 - @irfanquets6