ஆம்… எல்லாமும்தான்! நீ வேண்டும்… நீ இல்லாமலும் உன்னைத் தேடும் ஏக்கமும் வேண்டும். காண வேண்டும்… கண்டதும் கண்கள் விலக மறுக்க வேண்டும். பேச வேண்டும்… பேச்சு தீர்ந்தபின் உன் மூச்சுக்குள் என் மௌனம் கலக்க வேண்டும். நேசம் வேண்டும்… அது நெஞ்சை வருடவும் வேண்டும், நெருப்பாய் எரிக்கவும் வேண்டும். தாகம் வேண்டும்… அருகில் வந்தால் தீராத, தள்ளி நின்றால் இன்னும் அதிகமாகும் தாகம். மோகம் வேண்டும்… உன் பார்வை பட்டாலே உடலெங்கும் பரவும் தீயைப் போல. கூடல் வேண்டும்… உடல்கள் மட்டும் அல்ல, இரு உயிர்களும் தம்மை மறந்து ஒன்றாகும் வரை. தேடல் வேண்டும்… தொலைந்தாலும் திரும்பத் தேடி வந்து என்னுள் தொலைந்து போகும் தேடல். நீயாய் வேண்டும்… நான் திரும்பும் ஒவ்வொரு திசையிலும் உன் வாசனையாக, உன் நினைவாக, உன் தீண்டலாக. அங்குதான்… காதலிலும் காமத்திலும் என்னை முழுதுமாய் உன்னிடம் இழந்து, மீண்டும் என்னைத் தேடாதபடி தீர்ந்து போக வேண்டும். - @wwwmadhan.com