ဒီလောကကြီးမှာ လူတွေရဲ့ သဘာဝက အရမ်းဆန်းကြယ်တယ်။ မင်းမှာ ဘာမှမရှိသေးတဲ့အချိန်၊ မင်းရဲ့ တန်ဖိုးက သုညဖြစ်နေတဲ့အချိန်မှာ မင်းဘယ်လောက်ပဲ လူတကာနောက်ကို လိုက်နေပါစေ၊ မင်းဘယ်လောက်ပဲ သူတို့အကြိုက် လိုက်လုပ်ပေးနေပါစေ၊ လူတွေက မင်းကို အဖက်လုပ်မှာ မဟုတ်ဘူး။ မင်းရဲ့ တောင်းဆိုမှုတွေ၊ မင်းရဲ့ တည်ရှိမှုတွေကို သူတို့က အလွယ်တကူပဲ လျစ်လျူရှုသွားကြလိမ့်မယ်။ ဘာဖြစ်လို့လဲဆိုတော့ လူတွေဟာ သူတို့အတွက် အသုံးမဝင်တဲ့အရာ၊ တန်ဖိုးမရှိတဲ့အရာတွေပေါ်မှာ အချိန်မဖြုန်းချင်ကြလို့ပဲ။ အဲဒီတော့ မင်းစဉ်းစားကြည့်ဖူးလား။ မင်းဘာလို့ လူတွေနောက်ကို လိုက်နေရတာလဲ။ မင်းဘာလို့ သူတို့ရဲ့ အသိအမှတ်ပြုမှုကို ရဖို့အတွက် အောက်ကျို့ခံနေရတာလဲ ? တကယ်တော့ မင်းလုပ်ရမှာက လူတွေနောက်ကို လိုက်ပြီး အချိန်ဖြုန်းနေဖို့ မဟုတ်ဘူး။ မင်းရဲ့ကိုယ်ပိုင်တန်ဖိုးကို မြှင့်တင်ဖို့ပဲ။ ကိုယ့်ကိုယ်ကိုယ် မေးခွန်းတစ်ခု ပြန်မေးကြည့်ပါ။ မင်းမှာ လူတွေ မရှိမဖြစ် လိုအပ်တဲ့ အရည်အချင်းတစ်ခုခု ရှိပြီလား။ မင်းစကားပြောရင် လူတွေ နားထောင်ရလောက်အောင် မင်းမှာ ဗဟုသုတတွေ၊ အတွေးအခေါ်တွေ ပြည့်စုံနေပြီလား။ မင်းရဲ့ ပိုက်ဆံအိတ်ထဲမှာ မင်းဖြစ်ချင်တာကို လုပ်နိုင်လောက်တဲ့အထိ ငွေကြေးအင်အား ရှိနေပြီလား။ အဖြေက 'မရှိသေးဘူး' ဆိုရင် မင်းရဲ့ အဓိကတာဝန်က လူမှုရေးတွေ လုပ်နေဖို့ မဟုတ်တော့ဘူး အားလုံးကို နားပိတ်ထားပြီး ကိုယ့်ကိုယ်ကိုယ် တည်ဆောက်ဖို့ပဲ။ မင်းသာ တကယ် တန်ဖိုးရှိတဲ့သူတစ်ယောက် ဖြစ်လာပြီဆိုရင်၊ မင်းဆီမှာ သူတို့အတွက် အကျိုးအမြတ်တစ်ခုခု ရှိလာပြီဆိုရင်၊ မင်းက ကမ္ဘာ့အဆုံးအစွန်မှာ သွားပုန်းနေပါစေဦး၊ လူတွေက မင်းကို နည်းလမ်းပေါင်းစုံနဲ့ လိုက်ရှာလာကြလိမ့်မယ်။ ဘာဖြစ်လို့လဲဆိုတော့ တန်ဖိုးရှိတဲ့အရာကို လူတိုင်းက လိုချင်ကြလို့ပဲ။ ရွှေဟာ မြေကြီးထဲမှာ ဘယ်လောက်ပဲ နက်နက်မြုပ်နေပါစေ၊ အချိန်တန်ရင် လူတွေက တူးဖော်ကြမှာပဲ။ မင်းက ရွှေဖြစ်နေဖို့ပဲ လိုတာ။ မင်းက ရွှေဖြစ်မနေဘဲ သာမန်ကျောက်ခဲတစ်လုံး ဖြစ်နေသရွေ့တော့ လမ်းဘေးမှာ ဘယ်လောက်ပဲ ထင်ထင်ရှားရှား ရှိနေပါစေ၊ လူတွေက ကန်ကျောက်ပြီး ကျော်သွားကြမှာပဲ။ ဒါဟာ လောကရဲ့ ခါးသီးတဲ့ အမှန်တရားပဲ။ ဒါကြောင့် အတွေးလွန်ပြီးလည်း စိတ်ဓာတ်ကျမနေပါနဲ့။ မင်းကို လျစ်လျူရှုခဲ့တဲ့သူတွေကို စိတ်ဆိုးမနေပါနဲ့။ သူတို့ မင်းကို တန်ဖိုးမထားတာ မဟုတ်ဘူး၊ မင်းမှာ ပြစရာ တန်ဖိုး ထင်ထင်ရှားရှား မရှိသေးလို့ပါ။ အခုအချိန်ကစပြီး ဘာမဟုတ်တဲ့ အပေါင်းအသင်းတွေ ၊ အဓိပ္ပာယ်မရှိတဲ့ ဆက်ဆံရေးတွေကို စွန့်လွှတ်လိုက်ပါ။ အချိန်ဖြုန်းစေမယ့် Noise (ဆူညံသံတွေ) အားလုံးကို လျစ်လျူရှုလိုက်ပါ။ မင်းရဲ့ အာရုံစိုက်မှုအားလုံးကို Focus on Money and Self-Improvement (ပိုက်ဆံရှာဖို့နဲ့ ကိုယ့်ကိုယ်ကိုယ် တိုးတက်ဖို့) ပေါ်မှာပဲ ရာနှုန်းပြည့် မြှုပ်နှံလိုက်ပါ။ မင်းရဲ့ အရည်အချင်းတွေကို သွေးပါ။ မင်းရဲ့ အဆင့်အတန်းကို မြှင့်တင်ပါ။ မင်းအလုပ်ကြိုးစားနေတာကို ဘယ်သူ့ကိုမှ လျှောက်မပြောပါနဲ့။ တိတ်တိတ်ဆိတ်ဆိတ်နဲ့ပဲ အောင်မြင်အောင် လုပ်ပြလိုက်ပါ။ မင်းရဲ့ တန်ဖိုးက အထွတ်အထိပ်ကို ရောက်သွားတဲ့နေ့ကျရင် မင်းက လူတွေနောက်ကို လိုက်ရှာစရာ မလိုတော့ဘူး။ မင်းရဲ့ ဖုန်းက မအားလောက်အောင်ကို လူတွေက မင်းဆီ ဆက်သွယ်လာကြလိမ့်မယ်။ မင်းရဲ့ အချိန်တွေကို တကူးတက တောင်းဆိုလာကြလိမ့်မယ်။ မင်းရဲ့ စကားတစ်လုံးကို တန်ဖိုးထားပြီး နားထောင်လာကြလိမ့်မယ်။ အဲဒီအချိန်ကျမှ မင်းဘဝက တကယ်လွတ်လပ်ပြီး အဓိပ္ပာယ်ရှိလာမှာပါ။ မင်းရဲ့ တန်ဖိုးကို မင်းကိုယ်တိုင်ပဲ သတ်မှတ်ပါ။ မင်းဟာ မရှိမဖြစ် လိုအပ်တဲ့သူတစ်ယောက် ဖြစ်အောင် အခုပဲ စတင် ပြင်ဆင်လိုက်ပါ။ တစ်နေ့မှာ လူတွေ မင်းနောက်ကို မောပန်းစွာ လိုက်ရှာရမယ့်ရက် ရောက်လာလိမ့်မယ်။ ကိုယ့်ကိုယ်ကိုယ် ယုံကြည်ပြီး အခုပဲ ရှေ့ဆက်လိုက်ပါ။ - @kolay13166