Ek sit al maande op hierdie song. En die afgelope week het social media my laat besef hoekom ek hom nie langer wil hou nie. “We don’t have time for the drama today.” Want as daar een ding is wat Suid-Afrikaners uitstekend kan doen, is dit om oor alles ’n opinie te hê. Ons kla, ons stry, ons tease mekaar, ons maak ’n groot ding uit die kleinste dinge… en vyf minute later sit ons weer om dieselfde vuur. Ons is ook nogal goed daarmee om deur absolute chaos te leef en dit somehow teen vanaand in ’n grap te verander. Ek dink dis een van my gunsteling goed van ons. Ons het al deur baie gegaan. Ons cope. Ons maak ’n plan. Ons lag wanneer dinge absurd raak, en volgens my het Suid-Afrikaners van die beste humor in die wêreld juis omdat ons geleer het om nie elke moeilike ding die laaste woord te gee nie. Maar laat iemand van buite af na een oomblik kyk en besluit hulle verstaan skielik wie ons is, hoe ons leef, of wat ons behoort te vrees, dan raak dit skielik baie duidelik dat wanneer jy met een van ons mors, jy met almal van ons mors.. Want jy kan vir Suid-Afrikaners baie sê, maar ons hou nie daarvan as iemand van buite af ons eie land vir ons probeer verduidelik nie. Wat vir iemand anders soos chaos lyk, is vir ons baie keer net lewe. Ons weet wat hier aangaan. Ons leef dit elke dag. Ons het lankal geleer hoe om deur die vreemde, die absurde en die soms totaal belaglike goed te beweeg sonder om vir alles te gaan lê en bewe. En dis waar daai houding inkom: Hamba kaloku. Suka apha. Vat jou nonsens en trek. Toe besef ek hierdie song gaan eintlik oor baie meer as net drama. Dis oor daai baie spesifieke Suid-Afrikaanse manier van wees. Ons kan mekaar mal maak, maar die oomblik wat iemand anders probeer, raak ons skielik familie. So na maande van mense wat vra wanneer hierdie een kom… My foon is op silent. My naweek’s begun. No bad vibes allowed in my zone. Ek dink dis tyd. VOETSEK - oppad na alle streaming platforms. ZA #SouthAfrica #Mzansi #SouthAfricanHumour #SouthAfricanMusic #Voetsek - @digsuster