@dailystrengthms: ကျွန်တော်/မတို့ အသက်တာမှာ ဘုရားနဲ့အတူ လျှောက်လှမ်းနေရင်း အပြင်လောကမှာပဲဖြစ်ဖြစ်၊ ဘုရားကျောင်းထဲမှာပဲဖြစ်ဖြစ် အမှုဆောင်တွေရဲ့ တရားနဲ့မကိုက်သော အကြောင်းအရာ၊ အပြုအမူတွေနှင့် ခရစ်ယာန်ညီအစ်ကိုမောင်နှမတွေရဲ့ အားနည်းချက်တွေကြောင့် စိတ်ပျက်ရတဲ့နေ့တွေ ရှိနေနိုင်ပါတယ်။ တစ်ခါတလေ “ဒါမျိုးဖြစ်နေရင် ဘုရားကို ဘယ်လိုယုံကြည်ရမလဲ” ဆိုတဲ့ မေးခွန်းတွေလည်း စိတ်ထဲပေါ်လာနိုင်ပါတယ်။ ဒါပေမယ့် လူတစ်ယောက်ရဲ့ အမှားကို ဘုရားသခင်ရဲ့ အမှားအဖြစ် မယူဆသင့်ပါဘူး။ လူတွေဟာ မပြည့်စုံကြပေမယ့် ဘုရားသခင်ကတော့ မပြောင်းလဲဘဲ သစ္စာရှိတော်မူတဲ့ဘုရား ဖြစ်ပါတယ်။ လူတစ်ယောက်ရဲ့ အားနည်းမှုကြောင့် ဘုရားသခင်ရဲ့ သဘောသဘာဝက ပြောင်းလဲသွားတာ မဟုတ်ပါဘူး။ "ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။" - ဟေဗြဲ ၁၃:၈ လူတွေကို ယုံကြည်ဖို့ ခက်ခဲလာတဲ့အချိန်မှာ ဘုရားသခင်ကို ပို၍ ဆုပ်ကိုင်ထားပါ။ လူတွေက သင့်ကို စိတ်ပျက်စေနိုင်ပါတယ်။ စွန့်ခွာသွားနိုင်ပါတယ်။ ဒါပေမယ့် ဘုရားသခင်ကတော့ ဘယ်တော့မှ စွန့်ပစ်မှာမဟုတ်ပါဘူး။ "အကြောင်းမူကား၊ ငါသည် သင့်ကိုမစွန့်၊ သင့်ကိုအလျှင်းပစ်၍မထားဟု ဂတိတော်ရှိ၏။" - ဟေဗြဲ ၁၃:၅ ဘာလို့ဆို ကျွန်တော်/မတို့ရဲ့ ယုံကြည်ခြင်းဟာ လူတစ်ယောက်အပေါ်မှာ တည်ဆောက်ထားတာ မဟုတ်ဘဲ အသက်ရှင်တော်မူသော ဘုရားသခင်အပေါ်မှာ တည်ဆောက်ထားရမှာပါ။ လူတွေကို ကြည့်ပြီး စိတ်ပျက်လို့ ဘုရားနဲ့ ဝေးမသွားပါနဲ့။ လူတွေရဲ့ အမှားကြောင့် ဘုရားသခင်နဲ့ ကိုယ်ကြားက ဆက်ဆံရေးကို မဆုံးရှုံးလိုက်ပါနဲ့။ တစ်ခါတလေ လူတွေရဲ့ အားနည်းချက်တွေကို မြင်ရခြင်းက ဘုရားက သူ့ထံ ပို၍ နီးကပ်စေချင်သောအကြောင်းအရာဖြစ်နေနိုင်ပါတယ်။ လူကို မကြည့်ဘဲ ဘုရားကိုပဲ ကြည့်ပါ။ ဘာကြောင့်လဲဆိုတော့ လူဟာ မပြည့်စုံပေမယ့် ဘုရားသခင်က ပြည့်စုံတော်မူသောကြောင့်ပါ။ "ထာဝရဘုရား၌ ခိုလှုံခြင်းသည်၊ လူကို ကိုးစားခြင်းထက် သာ၍ ကောင်း၏။" - ဆာလံ ၁၁၈:၈ Daily Strength For Today ယနေ့တွက် ဝိညာဥ်ခွန်အား #DailyStrength #နေ့စဥ်ခွန်အား #foryou #fyp #ခရစ်ယာန်ဆောင်းပါးတို

Daily Strength - နေ့စဉ်ခွန်အား

Open In TikTok:

Region: MM

Saturday 05 September 2026 11:40:18 GMT