برج المملكة من أشهر المعالم الموجودة في مدينة الرياض، ويعتبر من الرموز المميزة للمدينة ومن أكثر الأماكن اللي تلفت النظر بسبب تصميمه وشكله المختلف. يتميز البرج بارتفاعه الكبير وتصميمه الهندسي المميز، وأشهر شيء فيه الفتحة الموجودة في أعلى البرج على شكل قوس مقلوب، واللي تخليه مختلف عن كثير من الأبراج والمباني في الرياض. وفي أعلى البرج يوجد جسر زجاجي يربط بين جانبي الفتحة، ويعتبر من أشهر الأماكن اللي يزورها الناس للاستمتاع بإطلالة جميلة على مدينة الرياض. البرج مو بس مكان للتصوير أو السياحة، لكنه يعتبر من أهم المراكز التجارية في الرياض، وفيه محلات ومطاعم ومكاتب وفندق، لذلك يجمع بين التسوق والعمل والترفيه في مكان واحد. وموقعه في منطقة مهمة من الرياض يخليه من الأماكن البارزة اللي تمر عليها سواء كنت داخل المدينة أو تشوف أفق الرياض من بعيد. وبالنسبة لي أكثر شيء يميز برج المملكة هو شكله اللي صار مرتبط بمدينة الرياض نفسها، فمجرد تشوف البرج تعرف مباشرة إنك في الرياض. ومع الإضاءة في الليل يكون منظره أجمل ويبرز وسط مباني المدينة، عشان كذا يعتبر من المعالم اللي لها مكانة خاصة عند أهل الرياض والزوار. - @j1zx15