🟦သက်တမ်းတိုးမယ့် အလုပ်သမားများ ပြင်ဆင်ထားရမည့် အထောက်ထားများ စာရင်းထုတ်ပြန် သက်တမ်းတိုးခ ဘတ် ၁,၀၀၀ ကျသင့်မည် --- 🟥လာမယ့် ဒီဇင်ဘာ ၁၁ ရက်မှာ အလုပ်သမားလက်မှတ် သက်တမ်းကုန်မယ့် 🇲🇲မြန်မာ၊ 🇱🇦လာအိုနဲ့ 🇻🇳ဗီယက်နမ်နိုင်ငံသားများ စက်တင်ဘာ ၈ ရက်မှ ဒီဇင်ဘာ ၁၁ ရက် ညနေ ၄ နာရီခွဲအထိ အချိန်မှီ သက်တမ်းတိုးလျှောက်ထားရမှာ ဖြစ်ပါတယ်။ လျှောက်ထားမှုကို အလုပ်ရှင်၊ လုပ်ငန်းရှင် သို့မဟုတ် တရားဝင်ကိုယ်စားလှယ်က အလုပ်သမားကိုယ်စား ဆောင်ရွက်ပေးရမှာဖြစ်ပါတယ်။ လျှောက်ထားရာမှာ လိုအပ်တဲ့စာရွက်စာတမ်းများ လျှောက်လွှာတင်တဲ့အခါ နိုင်ငံခြားသားအထောက်အထား စာရွက်စာတမ်းအဖြစ် Passport၊ CI၊ နိုင်ငံသားအခြေအနေ အသိအမှတ်ပြုလက်မှတ်၊ ပန်းရောင်ကတ် သို့မဟုတ် မိခင်နိုင်ငံက ထုတ်ပေးထားတဲ့ ကိုယ်ပိုင်အထောက်အထား စာရွက်စာတမ်း တစ်မျိုးမျိုး လိုအပ်ပါတယ်။ ဒါ့အပြင် အလုပ်သမားလက်မှတ်မိတ္တူ သို့မဟုတ် အလုပ်သမား လက်မှတ်စာရင်းသွင်းစာအုပ်မိတ္တူ၊ ၃x၄ စင်တီမီတာ ဓာတ်ပုံ၊ ကျန်းမာရေးစစ်ဆေးမှု အထောက်အထားနဲ့ ကျန်းမာရေးအာမခံ အထောက်အထားလည်း ပူးတွဲတင်ပြရမှာဖြစ်ပါတယ်။ ကျန်းမာရေးစစ်ဆေးမှုအနေနဲ့ ရောဂါ ၆ မျိုး စစ်ဆေးထားရမှာဖြစ်ပြီး လျှောက်လွှာတင်တဲ့နေ့မှာ ကျန်းမာရေးလက်မှတ် သက်တမ်းကုန်မနေဖို့ လိုပါတယ်။ အလုပ်ရှင် သို့မဟုတ် ကိုယ်စားလှယ်က အလုပ်သမားကိုယ်စား လျှောက်ထားပေးမယ်ဆိုရင် ကိုယ်စားလှယ်လွှဲစာပါ ပူးတွဲတင်ပြရမှာဖြစ်ပြီး ဒီလွှဲစာမှာ ၁၀ ဘတ်တန် အခွန်တံဆိပ်ခေါင်း ကပ်ထားရမှာဖြစ်ပါတယ်။ လျှောက်ထားရမယ့်အဆင့်နဲ့ ကုန်ကျစရိတ် ပထမအဆင့်အနေနဲ့ eworkpermit.doe.go.th ဝက်ဘ်ဆိုက်ထဲက မြန်မာ၊ လာအိုနဲ့ ဗီယက်နမ်နိုင်ငံသား အလုပ်သမားများအတွက် အလုပ်သမားလက်မှတ် သက်တမ်းတိုးဝန်ဆောင်မှုကနေ လျှောက်လွှာတင်ရမှာ ဖြစ်ပါတယ်။ ဒုတိယအဆင့်မှာ စုစုပေါင်း ၁,၀၀၀ ဘတ် ပေးဆောင်ရမှာဖြစ်ပြီး လျှောက်လွှာကြေး ၁၀၀ ဘတ်နဲ့ အလုပ်သမားလက်မှတ် သက်တမ်းတိုးခ ၉၀၀ ဘတ် ပါဝင်ပါတယ်။ ငွေပေးချေပြီးနောက် တင်ပြထားတဲ့စာရွက်စာတမ်းများကို သက်ဆိုင်ရာဝန်ထမ်းများက စစ်ဆေးပြီး အဆင့်ဆင့်ခွင့်ပြုချက် ရယူရမှာဖြစ်ပါတယ်။ လျှောက်လွှာအတည်ပြုပြီးပါက စနစ်ကနေ တုံ့ပြန်စာရွက်စာတမ်း ရရှိမှာဖြစ်ပြီး သတ်မှတ်ထားတဲ့ ဝန်ဆောင်မှုစင်တာမှာ ရက်ချိန်းယူကာ သွားရောက်ပြီး အလုပ်သမားလက်မှတ်အသစ် ထုတ်ယူရမှာဖြစ်ပါတယ်။ #ထိုင်းသတင်း #မြန်မာအလုပ်သမား #ထိုင်းရောက်မြန်မာ #အလုပ်သမားလက်မှတ် #WorkPermit - @paleya.channel