سر يې د باميانو د بوتانو نه رېبلے دے خاندي د لاهور ملا ته نوے پير راغلے دے لاندې فېصله د يو قاتل په حق کې وۀ شوله پاس يې عدالت کې د انصاف ايت ليکلے دے . . . انتخاب د دې ولـــس د تـــرقۍ او بـــقـا ډوزې ولي که څوک اوزګار وي نو راځي دې باچا ډوزې ولي نن د اغيـــارو په صلاح سرتوروي پښتنې دغه سړی به هم بچو ته سبـــا ډوزې ولي دسرمايې په پردي جنګ کې ځان غازي هم ګڼي بابا لګيا دی د کشميـــر د غزا ډوزې ولي غوږ ورته مه ږدۍ چې د دور ظالم نه يادوي په مړ فرعون پسې ښېرې کوي يا ډوزې ولي اوس مې بېخي ورته د خېر خبره زړه نه غواړي پښتانه وخاندي کاروانه چې دا ډوزې ولي کاروان مومند. . ... . . تــا ته مې قارونه بېـــــګا شپه کې دعا کړې ده نن مې فرغونيانو تـــــه سجده کې دعا کړې ده اوس خو ابــوجهل هم د دې دور امـــام ګڼـــم اوس خو به يزيد هم لـږ قابل د احترام ګنـــم تاسو ظالېمان يئ خو په شان به څوک د نن نۀ وي ستاسو نه به کم چرته باچا د دې وطن نۀ وي نۀ رسي زمونږه جرنېلانو تـــه عـــاد نۀ رسي نۀ رسي قاضي تـــه بـــه انا د شداد نۀ رسي واګې به مې لاس کې شي دا لارې به هوارې کړم وينځې به د دې وطن په ښځو کې سردارې کړم مهم بـــه شـــمر له د ملا خلاف روان کړمه خلک بــه باچا سره لۀ هر طرفه وران کړمه نوے انقلاب بـــه په عوامو کې برپـــا کړمه دا د سياست مړے به خر ته ور په شا کړمه جنګ به وي او زۀ به د دجال سره ولاړ يمه نېغ بـــه د يـــهودو د دېوال سره ولاړ يمه دا د تشې خولې مسلماني به ترېنه هېره کړم جنګ يې ښۀ روزګاردے زۀ به دامزدوري ډېره کړم ځان به دهشت ګرد کړم خو د خلکو حق به ورکړمه هر بې اسرې سر تـــه بـــه پړونے ور په سر کړمه کفر دې وي دلته خو حساب دې وي انصاف دې وي ښار کۀ د افسوس وي نو يو څو اصحاب کهف دې وي دلته دې جنت وي د جنت قيصې دې نۀ کېږي ورک دې وي امېد خو بې معنې وعدې دې نۀ کېږي دلتـــه دې کافر وي خو کاروانه بې غېـــرته نۀ پرې سرونه ښۀ دي خو سرونه دې وي ښکته نۀ کاروان مومند . . #pushtopoetry #trending#fyp#poetry#tiktok دا کۀ مونږ منلے نو فتوه د کفر جېب کې وه ښه ده لارډ ميکالے قانون هر ملا منلے دے نۀ مې نظريه ورانه شوه نۀ مې اراده خطا مخ مې د حالاتو په تودو غرمو نيولے دے هر سړے دعوې کوي کاروانه د پاخۀ ايمان غلے دے زمونږ په حال ممبر او اخبار غلے دے کاروان مومند - @fr_hamdard