سەرکردەکەم ئەی پێشەوام، سەرکردەکەم دەوای دەردم، موختارەکەم چی پێنووس هەس، بێن بیکەن جەم چی وشەی جوانە لە زارم، ئاوێتەی دڵی دەفتەرکەم لە ئاست وەسفی زاتی تۆیا هەرد دێنێ کەم کێ ئەتوانێ حەقی پێبا؟ کێ بەرگەی گەورەیی ئەگرێ؟ کێ چۆتە حزووری ئەو و دڵی بۆلای گڕ ناگرێ؟ سەیرە دڵێک دوورە لێی و هەر لێ ئەدات و نامرێ ئاخر هیچکەس نابێ بە ئەو حەتتا بە خۆڵی سەر ڕێگەی چی له خۆڵ کەمترە منم لە ئاست وەسف و پەیامەکەی ئەمما ئەوەی ڕوونە لەلام وەک بوونی خۆم لێی دڵنیام بەمەرگیش ناڵێ تەوەلام بۆڕێبازی خاوەن مەقام دڵ بەیعەتی داوە تەمام نەک تەنیا دڵ ماڵ و گیان،هەرچیی گەرەکە بەیعەتێک بەیەقینەوە وەک بەیعەتی ژێر دارەکە هەتاکو دوا دڵۆپی خوێن خزمەتکاری ڕێبازی تۆم هەموو دوونیا لەدوای تۆ دێن تا لاڵ بوون هاوئاوازی تۆم تیری کەوانێکی کۆنم بەرەو ڕووی دووژمن مل ئەنێم سەرکردەکەم ڕێگەم ڕوونە تا شەهید بوون هەنگاوئەنێم سەرکردەییت نەک هەزار و ئەوەندە ساڵ تاقیامەت ناکرێ پێناسە بوێرییەکەی هاواری ڕووی ابوجهل و بەسۆزیەکەی گوێبیستی ناڵەی عەباسە خاکەڕاییت تەنیی دوونیای پان و بەرین دەرچوونی جێی حەسیری ڕەق لەجێی گەرمی و نەرمیی سەرین بۆیه یەقین هاوارەکات ئەو سەرکردەو ئەو پێشەوا وئەو ڕابەره ژینی دوونیا بەس لەلای ئەو وەستانێکی ژێر سێبەرە کەس شایەن نییە بەشوێنکەوتن بەغەیری ئەو تاجی سەره بۆیە ئەڵێم ماڵ و گیانم چی ئازیزە لەژیانم قوربانی ڕێگەی سەروەرە چۆن زار نەبێ بەپێنوس و بە گەروو بۆی هاوارنەکەم ڕۆژێک دایک، لەجەرگی تەبەڕا ئەکا ئەو هەر ئەڵێ: ئوممەتەکەم ئیتر چۆن دڵ نابێتە تۆزی خۆڵی ڕێی؟ چۆن خۆمی بەقوربان نەکەم؟ حاڵی دڵیش بۆ حزوورت جۆرێک واوەیل و خراوە نابین چەن بەتەمای چاوە تینوو چەن حەزی لە ئاوە کەساس چەن مەیلی هەنگاوە نابیست چەن بۆ دەنگ گەڕاوە حاڵی دڵە بۆ دیدار و حزووری تۆ بۆیە وا مات و شێواوە خۆشەویستی بۆ زاتی ئەو بەدڵ گیان کردار حساوە موحەممەد ڕەسولی خوایە بەدڵ شاهیدیم بۆ داوە گیانم و چی پەیوەستە پێی بۆڕۆژی نوێ هەڵگیراوە کردار نەبێ ئەم هاوارە سا بە ڕەببی کەعبه قەسەم وێنەی بڵقێکی سەرئاوە ئەمەی ئەیڵێم، نەشایی بوونە نە شینی چوونە هاوار و ناڵەی بۆ پەیامەکەی گوێڕایەڵبوونە یەکجار ٫ یەک بەیعەت تابەردی ئەلحەد خاوەن یەک قدوە هەتاکو ئەبەد سەرکردەی سەروەر زاتی موحەممەد ﷺ پێشەوا هیوا 5/9/2026 - @peshawahiwaa