@.quran0182: يا وجع القلب.. ل للأسف، انطفت الشمعة والأمل الأخير راح💔 رسمياً، الإعلان عن وفاة الطفل الجزائري "أيوب"، الصغير اللي وقع في بئر بولاية البيّض وفضل محبوس بين أحضان الأرض والضلمة والبرد أربع أيام كاملة.. أربع أيام من الخوف، الرعب، والدعاء اللي ما وقفش لحظة. عارفين إيه اللي يقطع القلب من الجوه؟❤️‍🩹 الموجع مش بس إنه مات.. الموجع إنه لما وقع في الأول كان لسه عايش! صوته كان طالع من قاع البئر، بينادي على أبوه بكل براءة الدنيا وخوفها، وبيقوله بقلب ينبض بالأمل: " طلعني يا بابا.. طلعني يا بابا!" تخيلوا صرخة طفل في الضلمة، نداء بيستغيث بأكتر حد بيثق فيه في الكون، وأب واقف فوق مش قادر يمد إيده يلحقه! كلمة واحدة كفيلة إنها تحفر جرح في قلب الأب مش حيموت ولا يلتئم طوال العمر. وأربع أيام من المحاولات المستميتة.. الناس بتحفر بضوافرها والوقت بيجري زي السكين.. حفروا ٢٠ متر كاملة، وبقى بينهم وبين أيوب "متر واحد بس".. متر واحد كان فاصل بين الحياة والموت! وصلوا له فعلاً، مسكوا إيده.. لكن كان الوقت خلاص فات. أيوب كان قد سلّم روحه إلى بارئها، وصعدت روحه الطاهرة للماء والأمان، لسماء أرحم بكتير من قسوة الدنيا. نهاية قاسية، حزينة، وتوجع لدرجة العجز.. قصة تذكرنا قد إيه الدنيا دي رخيصة ومؤلمة، ومفيش فيها لحظة أمان. يا رب.. اللهم ارحم الطفل أيوب واجعله طيراً من طيور الجنة وشافعاً لوالديه. اللهم اربط على قلب أمه، وانزل السكينة على قلب أبوه اللي صوت ابنه مش هيرافق خياله طول العمر.. اللهم صبّحهم بالصبر واجبر كسر قلوبهم المفجوعة جبرًا يليق بعظمتك. إنا لله وإنا إليه راجعون.. ولا حول ولا قوة إلا بالله العلي العظيم.💔💔💔💔💔💔💔💔💔‼️

𝑀𝒶𝓇𝒾𝒶𝓂 //Quran

Open In TikTok:

Region: EG

Saturday 05 September 2026 20:55:31 GMT