قصة الطيب عبدالله - فنان السنين وملك الحزن الأنيق كاملة يا غالي.. الراجل ده حالة لوحده في الغناء السوداني، صعب تتكرر. البداية والأصل اسمه الكامل الطيب عبدالله أحمد الذبحاني، اتولد في مدينة شندي شمال الخرطوم، سنة 1941 - في روايات بتقول 1943 - واتربى واتعلم كل مراحله هناك لحد ما اتخرج من معهد التربية شندي. أصله قصة لوحده.. أبوه عبدالله أحمد الذبحاني تاجر يمني جاي من اليمن في أوائل العشرينات واستقر في شندي، واتجوز من شقيقة شركائه في التجارة من قبيلة الجعليين - الذيداب. فهو سوداني يمني الأصل، وده اللي اداله التميز ده. كان مدرس في أواخر الخمسينيات، كان عنده اهتمام كبير بالأدب والتراث الشعبي، لكن حب الغناء طغى على مهنة التدريس. الانطلاقة في العصر الذهبي بزغ نجمه في بداية الستينيات، وده كان أصعب وقت تظهر فيه، لان الساحة كانت مولعة بعمالقة زي عثمان حسين، ومحمد وردي، وسيد خليفة، وصلاح مصطفى، والعاقب محمد حسن، وأحمد الجابري وحمد الريح. بيحكي هو عن بدايته انه كان في احتفال ضخم في المسرح القومي، طلع غنى الأغاني اللي عنده ونجحت نجاح كبير، وبعدها بكم يوم اتذاعت في برنامج "ما يطلبه المستمعون" ومن هنا حس ان المسألة بقت رسمية ودي كانت الانطلاقة الحقيقية. اشتهر بعذوبة صوته ذا الطابع الحزين وتمكنه من امتلاك القرار والجواب في الأداء الغنائي وانتقاء الكلمات الرقيقة، والناس أجمعت انه فنان استماع من الدرجة الأولى. مدرسة الحزن الصادق الطيب عبدالله فرض مدرسته الغنائية ذات الحزن الخاص وأصبح في زمان ما هو الناطق الرسمي باسم كل الحزانى والعشاق. هو نفسه كان بيقول: "بعض المستمعين والنقاد حصروني في مكان ضيق وأنا مررت بتجربة عاطفية حقيقية، ذقت فيها مرارة الحرمان، وتعذبت، فكتبت الشعر بإحساس عاطفتي ووضعت اللحن بطعم حرقتي، وغنيت بحزني الدفين" أغانيه كانت عصارة تجاربه الحقيقية، عشان كده بقت جزء من الحياة اليومية السودانية. أشهر أغانيه اللي خلدت اسمه: • السنين: أيقونته الكبيرة، اللي بيقول فيها: "الغريب عن وطنو مهما طال غيابو مصيرو يرجع تاني لأهلو وصحابو" وهي ترجمة لإحساس كل مغترب. • يا غالية يا نبع الحنان: اللي كنا كلنا بنكتبها في جوابات الحب زمان - "يا غالية يا نبع الحنان.. يا درة يا ست الحسان" • فتاتي: ودي أغنية عالمية كتبها الطيب محمد سعيد العباسي، حتى الرئيس الليبي معمر القذافي طلبها لما زار الخرطوم "يا فتاتي ما للهوى بلد.. كل قلب بالحب يبترد" وهي ضد التفرقة العنصرية واللون • الأبيض ضميرك: من كلمات اسحق الحلنقي "إنت يا الأبيض ضميرك صافي زي قلب الرضيع" • ليل الفرح، والله مسكينة المحبة، أماني، ليالي الغربة، أحساسي بيك، أندب حظي أم آمالي وكان عنده مقدرة عجيبة ينتقل من مقام موسيقي للتاني بسهولة من غير نشاز، حتى جرب السلم السباعي ونجح فيه ورجع للسلم الخماسي السوداني. قصة الحب اللي عملت أغانيه حياته العاطفية هي سر حزنه. حب وهو عنده 20 سنة بنت والدها كان وكيل وزارة الثقافة والإعلام، ووالدها وافق لكن أعمامها رفضوا عشان هو فنان، وده كان في الستينيات. اتجوز بعدها الفنانة نعمات حماد وانفصلوا، وهي تجربة بيقول عنها انها كانت عادية ومش مريرة. المفاجأة الكبيرة، ان حب عمره الأول فضل جواه لحد 2012! البنت اتجوزت وخلفت وهو اتجوز وخلف، وبعد وفاة زوجته وانفصالها هي عن زوجها، شاءت الأقدار يتلموا تاني واتجوزها، وهي نفسها اللي كتب فيها "يا غالية يا نبع الحنان". الغربة والهجرة بعد كل المجد ده، اختار الهجرة واستقر في المملكة العربية السعودية لسنين طويلة، وبعدين رجع السودان واتكرم في شندي تكريم كبير على المستوى الشعبي. لكن لما رجع قال جملة صعبة جدا في حوار قبل ما يهاجر تاني لأمريكا سنة 2014: "صوتي اختفى عندما جئت للسودان! جئت ولم أجد التقييم المناسب.. أجهزة الإعلام ترى الفرد منا كأنما يتسول إذا أراد تقديم سهرة" وقرر يسافر أمريكا عشان يلاقي الأمان والتقدير، وقال الغربة "أشبه بزهرة زرعت في غير مكانها". فضل وفي لحد آخر يوم لأغانيه الصادقة، عمره ما قدم عمل هابط. وزي ما كتب عنه النقاد: فنان مهيب كتب اسمه ونقشه بأحرف من نور وإبداع في وجداننا. #عمالقة_الفن_السودا#عمالقة_الفن_السودانيم#Sudanese_Musicس#زمن_الفن_الجميلش#سودانيز_تيك_توك_مشاهير_السودان - @ehabheopp3