@rayo.r36: ئەمڕۆ دوای ماوەیەکی زۆر بینیمیت، بەڵام خۆزگە چاوەکانم کوێر بوونایە و ئەو دیمەنەیان نەبنیایە. بینیم کە چەندە بە بێباکی پێدەکەنی، چەندە ڕووخسارت گەشاوە بوو، وەک ئەوەی هەرگیز من لە ژیانتدا نەبووبێتم. ئازاری بینینی دڵخۆشییەکەت لە ئازاری جێهێشتنەکەت قورستر بوو؛ چونکە تێگەیشتم هەموو ئەو کاتەی من خەریکی کۆکردنەوەی پارچە شکاوەکانی دڵم بووم، تۆ خەریکی دروستکردنی دنیایەکی نوێ بوویت کە جێگەی منی تێدا نییە.تۆ چەندە بە ئاسانی فێربوویت بێ من هەناسە بدەیت، چەندە بە جوانی فێربوویت ڕەنگی من لە بیرەوەرییەکانتدا بسڕیتەوە. لە نێو ئەو قەرەباڵغییەی دەوروبەرتدا، من تەنها سێبەرێکی غەریب بووم کە لە دوورەوە بۆت دەگریام، کەچی تۆ لە لوتکەی دڵخۆشیدا بوویت و تەنانەت بۆ ساتێکیش هەستت بە ساردیی تەنیایی من نەکرد.ئەمڕۆ تێگەیشتم کە من بۆ تۆ تەنها وێستگەیەکی کاتی بووم، بەڵام تۆ بۆ من هەموو ڕێگەکە بوویت. بینینی تۆ بەو دڵخۆشییە، ئەو ڕاستییە تاڵەی بۆ سەلماندم کە من هیچ کات هۆکاری ڕاستەقینەی دڵخۆشیت نەبووم، چونکە ئەگەر وابوایە، ئێستا لەگەڵ مندا پێدەکەنی نەک بە بێ من. ئەوەی ئەمڕۆ بینیم، کۆتا بزمار بوو کە لە تابووتی هیواکانم درا؛ چونکە ئێستا دەزانم کە لە ناو دنیای تۆدا، من نەک هەر مردووم، بەڵکو تەنانەت گۆڕەکەشم ون بووە و تۆش زۆر بە ئاسوودەیی بەسەریدا هەنگاو دەنێیت. #rasty_lak #fyp #ranya #actives?

﮼ڕەیۆ🖤..

Open In TikTok:

Region: IQ

Saturday 05 September 2026 22:10:29 GMT