@buntha.krishna: ព្រះសីហនុ៖ នៅថ្ងៃទី៤ ខែកញ្ញា ឆ្នាំ២០២៦ ប្រជាជនភ័យបារម្ភលើកម្រាមដៃដប់ទាំងភ័យស្នើសុំអង្វរថ្នាក់ដឹកនាំជួយរកយុត្ដិធម៌រឿងក្រុមហ៊ុន និងមន្ទីរបរិស្ថាន បានដឹកនាំកម្លាំង ព្រមទាំងគ្រឿងចក្ររបស់ក្រុមហ៊ុន អានកូ វាយកំទេចឈួសឆាយផ្ទះ និងដំណាំរបស់ពួគគាត់ដែលបានអាស្រ័យផលយូរហើយ (២០១៩) នៅតំបន់អូរតាអឺង ស្ថិតក្នុងភូមិ៣ សង្កាត់លេខ១ ក្រុង/ខេត្ដព្រះសីហនុ កាលពីថ្ងៃទី២៧ ខែសីហា ឆ្នាំ២០២៦។ ពួគគេមិនគោរពគោលការណ៍នីតិវិធីច្បាប់ និងមិនគោរពស្មារតីអង្គប្រជុំនៅសាលាខេត្ដព្រះសីហនុ កាលពីថ្ងៃទី១ ខែកក្កដា ឆ្នាំ២០២៦ កន្លងទៅដែលបានឯកភាពរក្សាភាពដើម និងមិនមានការសាងសង់ ឬរុះរើអ្វីទាំងអស់។ បន្ទាប់មក នៅថ្ងៃទី២៧ ខែសីហា ឆ្នាំ២០២៦ កម្លាំងចម្រុះដែលដឹកនាំដោយមន្រ្តីមន្ទីរបរិស្ថានខេត្ដព្រះសីហនុ (លោក ទឹម សឺយ និងលោក ញឹម សុវណ្ណារិទ្ធ) និងក្រុមហ៊ុនអានកូ (លោក ០១) ព្រមទាំងគ្រឿងចក្រ ៣គ្រឿង (អបដោយដាវ កំបិត ដាវសមូរ៉ៃ) ចុះមកវាយកំទេចឈួសឆាយផ្ទះ និងដំណាំ ព្រមទាំងចាប់យកសត្វចិញ្ជឹមរបស់គាត់ទៅអស់ទៀតផង ទោះបីពួកគាត់ព្យាយាមតាមសុំមកវិញក៍គេមិនឱ្យ សកម្មភាពទាំងនេះ ហាក់បីដូចជា “អំពើប្លន់” ។ ពួកគាត់ ថា ការចុះអនុវត្ដការងារនេះ​មានភាពមិនប្រក្រតី (គ្មានការជូនដំណឹង) ធ្វើឱ្យពួកគាត់ភ័យបារម្ភ និងស្នើសុំថ្នាក់ដឹកនាំជួយរកយុត្ដិធម៌រឿងនេះឱ្យពួកគាត់ដោយអនុគ្រោះផង។ បើដឹងថា ប្រជាជនចូលកាន់កាប់ដីខុសច្បាប់ ម្ដេចមិនហាមឃាត់ពួកគាត់ភ្លាមៗ? ហេតុម្ដេចបណ្ដោយអោយពួកគាត់ចូលកាន់កាប់រាប់ឆ្នាំទៅ ទើបកម្ទេចផ្ទះសម្បែង អីចឹង? ឬមានអ្វីនៅពីក្រោយ? ប្រជាជនអះអាងថា ដីនោះមិនស្ថិតក្នុងតំបន់វិនិយោគរបស់ក្រុមអានកូទេ ចុះហេតុអ្វីក្រុមហ៊ុនអានកូ មកលូកដៃ ចូលរួមវាយកម្ទេចផ្ទះសម្បែង ចាប់មាន់ទាពួកគាត់? បើរដ្ឋដកហូតយកដីហ្នឹងដើម្បីអភិវឌ្ឍន៍ ពួកគាត់មិនជំទាស់អ្វីទេ ប៉ុន្តែខ្លាចតែក្រោយដេញពួកគាត់ចេញហើយ ដីនោះក្លាយចម្ការទុរ៉េន ឬហែកចែកគ្នា។ ............. សំឡេង តំណាងប្រជាជន .............. ទាក់ទិននឹងករណីខាងលើ អ្នកសារព័ត៌មាន បានព្យាយាមរបាយការណ៍សុំព័ត៌មាននេះទៅលោក ម៉ឹង សុភាព ប្រធានមន្ទីរបរិស្ថានស្ដីទីខេត្ដព្រះសីហនុ លោកឆ្លើយតបថា “បងខ្ញុំជាប់ប្រជុំនៅភ្នំពេញ” និងអះអាងមន្រ្តីរបស់ខ្លួនមិនបានធ្វើបែបហ្នឹងអីចឹងទេ។ ជាមួយគ្នានោះ តំណាងក្រុមហ៊ុនអានកូ លោក ណាំ គីមតេង មិនឆ្លើយតបនិងសំណួរអ្វីសោះ តែបានផ្ដល់សេចក្ដីប្រកាសព័ត៌មានរបស់មន្ទីរបរិស្ថានខេត្ដព្រះសីហនុ ចេញនៅថ្ងៃទី២៧ ខែសីហា ឆ្នាំ២០២៦ ភ្លាមៗ បន្ទាប់ពីបានចុះអនុវត្ដការងារនេះ ដែលមាខ្លឹមសារថា ប្រជាពលរដ្ឋខាងលើបានចូលទន្រ្ទានដីរដ្ឋកាន់កាប់ធ្វើជាកម្មសិទ្ធិខុសច្បាប់ ដែលដីនោះជាតំបន់ប្រើប្រាស់ច្រើនយ៉ាង គ្រប់គ្រងដោយមន្ទីរបរិស្ថានខេត្ដព្រះសីហនុ។

Buntha Krishna

Open In TikTok:

Region: KH

Sunday 06 September 2026 03:36:59 GMT