@solomon_12_21: በኢትዮጵያ ኦርቶዶክስ ተዋሕዶ ቤተክርስቲያን ሥርዓት መሠረት ዕድሜያቸው ከ7 ዓመት በላይ የሆኑ ክርስቲያኖች ሁሉ እንዲጾሟቸው በአዋጅ የታዘዙት 7ቱ የአዋጅ አጽዋማት የሚከተሉት ናቸው፦ 1. ዐቢይ ጾም (የሁደዴ ጾም) 2. ጾመ ሐዋርያት (የሰኔ ጾም) 3. ጾመ ድኅነት (የረቡዕና ዓርብ ጾም) 4. ጾመ ፍልሰታ ለማርያም 5. ጾመ ነቢያት (የገና ጾም - ከኅዳር 15 እስከ ታሕሣሥ 28/29) 6. ጾመ ጋድ (የጥምቀት ዋዜማ ጾም) 7. ጾመ ነነዌ ናቸው። በማኅበራዊ ሚዲያ ላይ «የጳጉሜን ጾም» በሚል የፍስክ ምግብ ክልክል እንደሆነ የሚያስተምሩ አካላትን ማስተዋል ተለምዷል። ነገር ግን በቤተክርስቲያናችን የታወቁትና የታዘዙት የአዋጅ አጽዋማት ሰባቱ ብቻ ናቸው፤ የጳጉሜን ወር በአዋጅ ከተደነገጉት አጽዋማት መካከል አንዱ አይደለም። ◦የፈቃድ ጾም፦አንድ ክርስቲያን በአዋጅ ከተደነገጉት ውጭ «እጾማለሁ» ቢል መብቱ ነው፤ በረከትም ያገኛል። ስለዚህ የጳጉሜን ወር በፈቃድ (በግል ፍላጎት) የሚጾም እንጂ በሕግ የታዘዘ የአዋጅ ጾም አይደለም። በፈቃዳችን ብንጾም በረከት የሚያስገኝ ቢሆንም፣ በሕግ እንደተጣለ ግዴታ አድርጎ «የፍስክ ምግብ ክልክል ነው» በማለት ምዕመናንን ማወዛገብ ከተሳሳተ መረጃ እና የቤተክርስቲያንን ሕግና ሥርዓት ካለማወቅ የሚመነጭ ነው። ስለሆነም ያለበቂና ትክክለኛ መረጃ ምዕመናንን ከማወዛገብ እንጠበቅ፤ የቤተክርስቲያናችንን ሥርዓትና ሕግ በትክክል እንወቅ! 7ቱን አጽዋማት በትክክል ሳንጾም በትሩፋት ጾም ላይ መጨቃጨቅ ግብዝነት ነው። መ/ር ሰሎሞን ትንሣኤ(ዘ-መቄት) #በYoutube_ቤተሰብ_ይሁኑ👇👇 https://www.youtube.com/@solomon-zemeket

እንዳትስቱ ተጠንቀቁ፤(ሉቃ.21፥8)

Open In TikTok:

Region: ET

Sunday 06 September 2026 05:51:33 GMT