@bilalnurr: በነገሌ ቦረና ቤት ተቆልፎ ይውል ለነበረው ሕፃን ተስፋ ሰጪ ድጋፍ መደረግ ተጀመረ:: ነገሌ ቦረና (ምስራቅ ቦረና) — በምስራቅ ቦረና ዞን ነገሌ ቦረና ከተማ፣ አባ ገፈርሳ ቀበሌ (የከብቶች ገበያ ሰፈር) ቤት ተቆልፎበት ቀኑን ሙሉ ብቻውን ይውል የነበረው ሕፃን ጉዳይ በማህበራዊ ሚዲያ ይፋ መደረጉን ተከተሎ፣ ልዩ ልዩ እገዛዎች እየተደረጉለት እንደሚገኝ ታወቀ። እንደ መረጃዎች ገለጻ፣ የሕፃኑ እናት በአእምሮ ህመም ምክንያት በቂ እንክብካቤ ማድረግ የማይችሉ ሲሆን፣ አባቱ ደግሞ በዘበኝነት ሥራ ምክንያት ሌሊት ወጥተው ማታ ስለሚመለሱ ሕፃኑ ቀኑን ሙሉ በቤት ውስጥ ተቆልፎበት፣ ያለ በቂ ምግብና አልባሳት ብቻውን ለማሳለፍ ይገደድ ነበር። ጉዳዩ በማህበራዊ ሚዲያ ሰፊ ትኩረት ካገኘ በኋላ የመንግሥት አካላትና አጋሮች ፈጣን ምላሽ መስጠት ጀምረዋል። የምስራቅ ቦረና ዞን አስተዳዳሪ አቶ አብዱራዛቅ ሁሴን ለሕፃኑ የሁለት ዓመት ሙሉ የትምህርት ክፍያ ከመሸፈናቸውም በላይ፣ ሙሉ የልብስና የትምህርት ቁሳቁስ ድጋፍ አድርገውለታል። የሕፃናት መብት ተሟጋቾችና የዘርፉ ባለሙያዎች እንደሚገልጹት፣ ከተደረገው የትምህርትና የአልባሳት ድጋፍ ባሻገር የሕፃኑ ቀጣይ ደህንነት፣ የምግብና የጤና አጠባበቅ ዘላቂነት ባለው መልኩ ሊከታተል ይገባል። በተጨማሪም ለወላጆቹ ተገቢው የስነ-ልቦና፣ የሕክምና እና የማህበራዊ ድጋፍ ካልተደረገ የችግሩ ዘላቂ መፍትሔ እንደማይሆን አሳስበዋል። የሕፃኑን ምስልና መረጃ በማሰራጨት ድምፅ ለሆኑና ፈጣን እርዳታ እንዲያገኝ ላስተባበሩ ወገኖች በሙሉ ምስጋና ቀርቧል። 📷ፎቶው ከነገሌ ቦረና ከተማ ኮሙኒኬሽን ነው ጉርሻ page

BILAL NUR

Open In TikTok:

Region: ET

Sunday 06 September 2026 10:53:31 GMT