@za33g: گال بهدوء ماا اشوفج جبيره انتي من الاساس طفله ! صفنت بكلمته وحرت هذا مدح لو ذم ؟ غمضت عيوني بعصبيه وكتله لااا دتضحك عليه حضرتك ودتخوفني ! بقى گاعد بمكانه ولا كأنما مسوي شي باوعلي بنظرة هادئة وبرود يكتل گال بصوت ثگيل ونبرة تخلي الدم يغلي " لا بابه ما اضحك ع أحد بس ردت أعرف هذا اللسان الطويل لوين يوصل وياج ؟ وليش هيج تكابرين وتعاندين ؟ كتله بعصبيه وبنتـر يعني دتستغل نقطه ضعفي ؟ عگد كصتـه وملامحه اتحولت حاده گال بحديـه أولاً صوتج لا يعلى عليه وثانياً لو ما شايف بعيني شلون وجهج انخطف ولونج تغير ماجنت اعرف فعلا عندج فوبياا وتتخربطيـن ! لتحكمين حكم مسبق ! بلعت ريگي بقههر وكولش اتنرفزت منـه ومن كلامه الصارم اللي ما بيه أي مجال للمناقشة كتله لااا اولا ولااا ثانيااا ولتضل يمي تعدد دايخه لتحجيني لان اذا احجي بعدد ما اسكت خوووش ؟ انتجـه ع التخـم براحـه وگال كل هذا ولتحجيني ؟ كتله "معناهاا مشايفني من احجيي " وفزيت ع صوت الباب وطب السكرتيرر التفت ملهـم ع الباب وگلـه خليها تتفضل وباوعلي وگال بثقـه " لتتحركين من مكانج الا الدوخه تروح والخفقان " صفنت بوجهه شمدري صار عندي خفقان ؟ كتله معليكك بيـه ... باوعلي بعصبيـه وعيونه بيهن خزره سويت نفسي ممهتمه رغـم نضراته حاده جريت البطل بعصبيه وشربت مي گال "اعصابج ست ميس " كلت بصوت "استغفرررر الله يالله " بهل اثناء دگ جهازي راساا فتحت خط وخليت رجل فوك رجل " هااا خاليي شني كل شويه متصلين ... يمعود البيت شبي نعـل ...جنت بالشغل وهسه رحت لعياده علي افحص .... ديلا تعال ...هههه لا اعتبر العشه عليه اليوم ...يلا متفقين بااي "ورفعت راسي واشوفلك رافع راسـه ويباوعلي بنضرات غريبـه هز راسه بنفاذ صبر ورجع ديسوي حشوه لطيبـه فـ ضليت ربع ساعه كاعده حسيت نفسي صرت تمام كتلـه خاليي راح اتوكل بعد ! بدون ميباوعلي گال بالسلامه فـ خليت وطلعت ....شمس : ماما دتتحضر هيه وسحر واختي المتزوجه والكل يبدل ويتحضر واني مخليه ايدي ع خدي من ورا ما رحت 🙂💔 فـ كتلها لماما بالحنه اروح هالمره علي ميقبل كالت حقه يمه واني هم ماريدج ترحين يجي حسن ومدري شلون تصير فـ بدلـو وراحـو وبقيت وحدي بالبيت فـ ورا ساعـه استغربت من الباب اندگ فـ طلعت وانصدمت من سمعت صوت عمـه ام هدئ ؟ كالت اني يشميسه افتحي الباب يااا شجابهه عمه ؟ بسرعه فتحت الباب وطبت وجهه مخطوف وكالت والله يعمه زعلانه عليج كتلهه يااا ليش ؟ وصفنت وكتلهه اتفضلي عمه اتفضلي فـ طبت وكالت والله يعمه ما انطاني گلبي خواتج جايات وانتي ماتطبين بيتنه يعمـه صح السالفه الصايره مادري شلونهه بس احلفلج بالتردي يعمه حسن بعد ماعليه بيج ولا يگرب يمج والله شاهد يعمه متندم انقهرت من سمعت كلامهه ومن تحجي كتلهه لاا يعمه فدوه اروحلج مو ع السالفه اني ما اجيت لان عندي امتحان وبالحنه والزفه اجي اكيدد غير هدئ هاي شلون ما اجيها كالت لا يعمه والله انه هسه اجيت ليعندج اريدن اخذج واروح كتلهه لاا عمـه عندي امتحان وماكدر گالت شني يعمه ترديني ! حرت شحجي وشكول واني منطيه لعلي كلمه ماروح وماكدر اكلها بسبب علي مو حلوه وزحمـه كتلهه عمه شلون بيه والامتحان كالت فدوه ي يمه تعالي سويعه وانه اخلي كرير يرجعج بس لا تكسرين بخاطري وهدئ تنتضرج كتلهه خل اجيبلج مي ونحجي وبعيوني رحت بسرعه لغرفتي واتصلت ع عليي رنين وميفتح رجعت اتصلت هم ماكو دزيتله رسالـه كتله علي موجود ؟ ضروري تفتح نت او تتصل عليـه همات ماكو رجعت اتصلت 5 مرات مديفتح فـ رجعت لعمـه واخذتلها مي وگلبي رايح شگلها هسـه ؟ شربت وكالت هاا يعمه اروحن زعلانه وبعد ماطب بيتكم كتلهه لاا عمه شسالفه كولشي ولااا زعلج ......

آلِــ عِــنِـــود 🎀

Open In TikTok:

Region: IQ

Sunday 06 September 2026 12:30:56 GMT