@dagi_pro1: የዶንጋ ብሔረሰብ የዕሴትና የባህል ማማ የሆነው የመጋባ (መሪ) ሹመት በሙዱላ በድምቀት ተከናወነ 🎊👏 ✅ የዘመናት ታሪክና ቅርስ ባለቤት የሆነው የዶንጋ ብሔረሰብ የባህል ልዕልናና የአስተዳደር ስርዓት የሚንጸባረቅበት ታላቅ የሹመት በዓል በጠምባሮ ልዩ ወረዳ በሙዱላ ከተማ አስተዳደር ተደርጓል🎊 ✅ የታሪክ ምዕራፍ የከፈተው ዕለት በሙዱላ ከተማ በአቶ ዮሐንስ ልሞሬ መኖሪያ ቤት ነሐሴ 30 ቀን 2018 ዓ.ም. በተካሄደውና ትውልድ ሊዘነጋው በማይችለው በዚህ ታሪካዊ የባህል መድረክ፤ የጠምባሮ ልዩ ወረዳ ከፍተኛ የመንግስት አመራሮች፣ የሙዱላ ከተማ አስተዳደር የስራ ሃላፊዎች፣ የጠምባሮ ልዩ ወረዳ የባህል መሪዎች (ለመላ ሞላዎች)፣ የዶንጋ ዎማዎች፣ የጎሳ መጋባዎች እንዲሁም የምዕራብ ሶሮ ወረዳ የጎሳ መጋባዎች ተገኝተዋል። ✅ በተጨማሪም የክብሩ ተካፋይ ለመሆን በርካታ ወዳጅ ዘመዶችና ጥሪ የተደረገላቸው እንግዶች በቦታው ተገኝተው ደማቅ ድባብ ፈጥረዋል። 🎉 የባህልና የህግ ስንቅ ይህ ስርዓት የብሔረሰቡን ቋንቋ፣ ወግ፣ ስርዓት እና ማህበራዊ ትስስር ጠብቆ ለማቆየት የሚደረግ የዘመናት ቅብብሎሽ ማሳያ ነው። በዕለቱም አቶ ዮሐንስ ልሞሬ ቢብስ በባህላዊ ኪህነቶች ታጅበውና በሽማግሌዎች ምርቃት የጠምባሮ ልዩ ወረዳ እና የምዕራብ ሶሮ ወረዳ ጃቾ ዙሪያ የዶንጋ ብሔረሰብ " #መጋባ" (መሪ) በመሆን የሉዓላዊነት ስልጣናቸውን ተረክበዋል! ✅ አዲስ ራዕይና አደራ መጋባ አቶ ዮሐንስ ልሞሬ ከዛሬ ጀምሮ የሕዝብን አንድነት በማጠናከር፣ የሰላም እሴቶችን በመገንባት እና የብሔረሰቡን ከፍ ያለ ባህል ለትውልድ በማሻገር ረገድ ታላቅ ኃላፊነት ተረክበዋል። ይህ የሹመት ስርዓት የህዝብን ማህበራዊ ትስስር ይበልጥ የሚያጸናና የባህል ሀብታችንን ከፍ የሚያደርግ ታላቅ ምዕራፍ ነው። ✍️ ዳግም ይስሐቅ 📷 Dagi Pro ነሐሴ 30 ቀን 2018 ዓ.ም #የዶንጋብሔረሰብ #መጋባሹመት #ጠምባሮ #ሙዱላ

Ďagi Pro

Open In TikTok:

Region: ET

Sunday 06 September 2026 15:59:15 GMT