NDÚRÚ: Rugwiti wa Njeri njitikiria njurie mundu uyu kiuria; Kamaru wa Wanjiru Kamenya mianya kanya ka ndeto KAMARÚ: Rugwiti Wa Njeri uka na ndugoke uri wiki Ngwenda athuuri kenda ngicokia ciuria ici cia Nduru na atumia kenda matuite maciara mathingira kenda Kabete na Metumi irungií NDÚRÚ: Mundu wina thahu mutugo wa Gikuyu twire atahikagio na miti mihiriga íigana ? ningi utwire o muti ritwa riagwo KAMARÚ: Mundu uri na thahu kioe mutugo wa Gikuyu, Ndahikio ni nyingi kuringana na thahu wa mundu; Thahu uyu niuriku ndahikanie muigue Na unguciarwo naguo miti imwe ni yaigagwo iteti Ngukigweta yothe; mutei ,mukenia,muthakwa,mugumo,mukura,na muú na irenge ria mweru Tahika wariganiire kiria giatigara No ekiragwo ngingo Gikuyu ndahikio ikaigana NDÚRÚ: Mihiriga ni kenda akorwo ni ukiui twire muhiriga wi girima uria uio muno,ningi muhiriga niuriku uria uhuhaga mbura Ningi muhiriga niuriku uria uhuhaga mbura Uga! KAMARÚ; Kúuria ti gúkiíga no Ndúrú ní akunyite ítarí míhíríga kenda Gíkúyú ithiegeni rírí nda, Njirú itu noyo urogi ukirite rithathi tungietire hiti ciokaga ikahana ta mburi Na Mwithaga ni ungi muhuhi wa mbúra ni arumaga húngú kana mbwe igakua itari ngúthe, Ndikugweta yothe Mucera gíta kiare gíake gíakuahura irigu múramba na ngoro irio iguru NDÚRÚ: Njama iria yainagwo ni atumia bata wayo niuriku magongona mayo ningi yainagwo thiku cigana Muthuru na mweng’u na nguo ya ngoro na rigitu nguo ikaigana cia muhiki mwega wa Gikuyu Ta twire thamuni maai maria mahuraga nguo icio Uga! Í tondu ugitwiraga niwahoyaga cuguo kirira KAMARÚ: Njama ya atúmia kúríra makíhoya mbúri na cíaigana íneo Mwangi magathinjire mbúra, Njama ya atúmia kwarí kúharaganīa macoke mekirwo ng'waro matú mbúra igatheca thií Ngúo ciao rehe ndiíhake magúta, ndiíhake thiriga thamúni wokire na comba Kííra Úgúo We! - @kikuyuheritage