@dilshad.baloch206: جيڪڏهن وڃڻو ئي هو... ته پوءِ منهنجي زندگيءَ ۾ آئي ڇو هئين؟"ڪاش... جڏهن منهنجو هٿ جهليو هئئي، تڏهن ايتري همت به رکين ها جو آخري ساهه تائين ساٿ نڀائين ها. اڌ واٽ تي ڇڏي وڃڻ کان اڳ، هڪ ڀيرو منهنجين اکين ۾ ڏسين ها، جتي رڳو تون ئي رهندي هئين. تون هلي وئين... پر توکان پوءِ منهنجي هر خوشي به مون کان رُسي وئي. ماڻهو چون ٿا وقت هر زخم ڀري ڇڏيندو آهي، پر ڪي زخم اهڙا به هوندا آهن، جيڪي هر رات نئين سر رت وهائيندا آهن. مون تنهنجي لاءِ پنهنجا خواب، پنهنجا ماڻهو، پنهنجون خوشيون قربان ڪيون، پر شايد تنهنجي لاءِ منهنجي محبت صرف وقت گذارڻ هئي. مون کي تنهنجي وڃڻ جو ڏک ايترو نه ٿيو، جيترو ان ڳالهه جو ٿيو ته جنهن تي مون اکين بند ڪري ڀروسو ڪيو، اهو ئي منهنجو سڀ کان وڏو امتحان بڻجي ويو. اڄ به جڏهن ڪو پڇي ٿو ته محبت ڇا آهي؟ ته دل روئي پوي ٿي... ڇو ته مون محبت ته سچي ڪئي هئي، پر نصيب ۾ صرف جدائي، اڪيلائي ۽ يادون لکيون ويون هيون. جيڪڏهن هٿ جهليو هو، ته پوءِ ثابت به ڪري ڏيکارين ها ته وفاداري اڃا زنده آهي، ته جيئن دنيا اهو نه چوي ته سڀ عورتون هڪجهڙيون هونديون آهن. ڇو ته ڪنهن هڪ جي بي وفائي، ڪيترين وفادار عورتن تي به سوال اٿاري ڇڏيندي آهي. اڄ به تنهنجي ياد اچي ٿي... پر هاڻي دعا ناهي نڪرندي، رڳو خاموش لڙڪ وهي پوندا آهن، جيڪي هر رات اهو ئي سوال ڪن ٿا: "جيڪڏهن وڃڻو ئي هو... ته پوءِ منهنجي زندگيءَ ۾ آئي ڇو هئين؟" #HeartTouching #SadLove #Emotional #FYP #Trending