@che.gundo: بعيداً عن الضحك، والترول، والنقد. ما راح أحچي عن أي نوع أو فئة، وما راح أتدخل بشي شخصي، ولا راح أغلط أو أسب أحد. كلنا بشر، وكلنا نغلط، سواء رجل أو امرأة. لا نسوية، ولا ذكورية، ولا أي فكر فلسفي أو إلحادي. وبصراحة، ما أحب أتدخل بشغلات چنت أگول مستحيل أشوفها بالسوشيال ميديا، خصوصاً بالتيكتوك. لكن اللي جاي يصير بالسوشيال ميديا، بنظري، صار يعكس مشكلة حقيقية داخل جزء من المجتمع العراقي من نشر محتوى إىاحي ويحط كتابات متطشرة فوق المقاطع حتى تشتت المشاهد أو تستغل فضوله من المراهقين الي ينشروهن ولا تحترم وجود الآخرين. والمشكلة مو بس بالمحتوى نفسه؛ المشكلة بعقلية الشخص اللي يشوف نشر هالأشياء شيء طبيعي، أو يعتبرها طريقة حتى يثبت نفسه ويعيش "مراهقته". وبالنسبة لترند الكيك والشموع، والخبصه الي صارت عليه، ف اني ما أريد أعمم على النساء ولا أعتبر تصرفات بعض الأشخاص ممثلة للجميع. لكن أكو تناقض واضح بين الكلام عن الأخلاق والثقة والاحترام، وبين بعض التصرفات اللي نشوفها بالمقابل، خصوصاً لما يتحول نشر أشياء مهينة أو غير لائقة إلى شيء يتم تبريره بحجة "هذا طبيعي". احنا جاي نشوف جزء من مجتمع يتخيل حياة بدون تعب، ومعايير واحتياجات مو دائماً موجودة أو ممكنة بواقعنا الحالي. وهذا ينطبق على الرجل والمرأة بنفس الدرجة. المشكلة مو أن الإنسان يريد يعيش، يحب، يفرح، أو يكون حر. المشكلة لما تتحول الحرية إلى حجة حتى تنشر أي شيء أمام آلاف الناس، بدون التفكير بتأثيره على نفسك، أو على غيرك، أو على المجتمع اللي أنت جزء منه. والمشكلة الأكبر لما يصير المحتوى المنحط هو الشيء الطبيعي، بينما الاحترام والخصوصية وضبط النفس تصير أشياء غريبة. هذا مو حب. وهذا مو احترام. وهذا مو تطور. وإذا استمر جزء من مجتمعنا بالتعامل مع السوشيال ميديا وكأنها مساحة بلا حدود ولا مسؤولية، فإحنا بنفسنا جاي نصنع بيئة ممكن تضر مستقبلنا وحياتنا أكثر مما نتخيل وأخيراً: اللي يعرف شنو أقصد، خل يفهم. واللي ما فهم، خل يقرأ الكلام مرة ومرتين وثلاثه، لحد ما يفتهم شنو اللي أحچي عنه.!! #viral #iraq #fypシ #foryoupage #explore
